Былтыргы уку елыннан башлап   ГТО нормаларын тапшыруга хәзерләнү һәр  физкультура дәресенең аерылгысыз өлеше булып тора. Хәзер укучылар  укытучылар белән бергәләп кышкы сессия төрләре буенча нормативлар тапшырырга хәзерләнәләр.

“Интернет-долголетие” программасы буенча мәктәптә пенсионернерлар компьютер грамоталылыгына өйрәнү курслары бара. Курсны математика  укытучысы Насретдинова Алия Әүхадулла кызы алып бара. Курска 15 пенсионер йөри.  Алар иң кирәкле нәрсәләрдән башлап Бөтендөнья челтәренә ничек итеп керергә һәм анда ничек ориентлашырга, Интернет аша коммуналь түләүләрне түләргә һәм күп кенә башкаларга өйрәнергә тиешләр.

Бу атнада сыйныфларда "Энергияне саклау һәм энергетик куркынычсызлык" темасына тәрбия сәгатьләре булып узды. Бу актуаль проблема турында төрле ракурсларда сөйләнде. Укучылар өйләрендә дә  һәм мәктәптә дә энергияне саклап тотарлар дип ышанып калабыз

12 нче ноябрьдә мәктәптә чираттагы педагогик киңәшмә узды. Көн тәртибендә түбәндәге мәсьәләләр каралды. 1.”Яңа Федераль дәүләт стандартларына нигезләнгән дәрес һәм дәрестән тыш эшчәнлекне оештыру”- Сайранова Резеда Тавис кызы чыгышы.

2.” Беренче чирек нәтиҗәләре һәм алда торган бурычлар”-укыту эшләре буенча директор урынбасары һәм сыйныф җитәкчеләре чыгышы.

3.Укытучыларга  аттестация уздырудагы яңалыклар белән танышу-тәрбия эшләре буенча директор урынбасары Сабирова Г.Х.чыгышы.

4.Кошман төп гомуми белем бирү мәктәбе директоры Хәмидуллин Ильмас Илдар улы чыгышы. 

“Тиенкәй” балалар бакчасында тәрбияләнүчеләр  бүген мәктәптә Сөмбелә бәйрәме күрсәттеләр. Бәйрәмгә кунакка Сөмбелә, Көз, Уңыш бабай да килгән иде. Балалар бик матур итеп шигырьләр сөйләделәр, җырлар җырладылар, табышмакларга җаваплар таптылар, көз турында мәкальләр әйттеләр.

27 октябрьдә мәктәптә гомуми ата-аналар җыелышы булды. Җыелыш түбәндәге көн тәртибе буенча узды:

1Мәктәптә укыту-тәрбия эшенең торышы.-директор урынбасарлары Садриева Р.З., Сабирова Г.Х.

  2. “Балаларда толерант аң формалаштыру, милли һәм дини экстремизмны кисәтү”-башлангыч сыйныф укытучысы Батанова А.С.

3.”Сәламәтлек үзебезнең кулда”-фельдшер  Шәрәфиева Р.М. 
4. “Яшүсмерләр арасында хокук бозуларны кисәтү”-участок уполномоченное  Воробьев А.В. Һәм балигъ булмаган балалар белән эшләүче инспектор Кәлимуллина Ф.Н.

5. Ата-аналар комитетын сайлау.

Җыелышта шулай ук мәктәп тормышына  һәм ата-аналарга кагылган башка мәсьәләләр дә каралды. Тәнәфестә концерт номерлары күрсәтелде.

Кичә 1-5 нче сыйныф укучылары арасында көзге уңышка багышланган хезмәт бәйрәме булды. Бәйрәмдә һәр сыйныфтан 2 шәр укучыдан торган командалар катнашты. Алар төрле кызыклы конкурсларда, уеннарда, үзешчән сәнгать өлкәсендә үзләрен сынадылар: җырладылар, биеделәр, шигырьләр сөйләделәр, бәрәңге җыйдылар, яфраклар таныдылар, алма белән бәрәңгене аердылар,  хәтта кабартма ашап та ярыштылар. Нәтиҗәдә 4 нче сыйныф командасы 1 нче урын, 1-3 нче сыйныф һәм 5 нче сыйныф командасы 2 нче урын, ә 2 нче сыйныф командасы 3 нче урынны яулады. Бәйрәм бик күңелле һәм җанлы үтте. Соңыннан балалар үзләре алып килгән нигъмәтләр белән сыйландылар. 

Татарстан китап нәшрияты“журналы укучылары арасында бәйге игълан итте. Бәйгенең төп максаты- китапларда яшерелгән татар халык мәкален табу. Бүген авыл китапханәчесе Сафиуллина Гөлия укучыларны шушы бәйгедә катнашырга чакырды.