Бүгенге көннән мәктәбебездә 1 нче чирек буенча административ контроль эшләр башланып китте. 6,7 сыйныф укучылары рус теленнән, 8,9 сыйныфлар  математика фәненнән директор контроль эшләре эшләделәр.  

Татарстан Республикасы Конституциясе кабул ителгәнгә 25 е тулу уңаеннан тарих укытучысы Вилданова Л.Х. 8 нче сыйныф укучылары белән "Конституция -дәүләтнең төп законы"- дигән темага дәрес үткәрде. Дәрес ахырында мәктәп коридорындагы стендлар белән таныштырды,өйдә әзерләп килгән плакатларга нәтиҗә ясалды. 

Бүген Мәгариф һәм фән министрлыгы  тарафыннан районыбызда 7,8 сыйныфларда математика,рус теле,физика,тарих,биология,җәмгыять белеме фәннәреннән диагностик тест уздырылды. Бу сынауны узуда безнең мәктәп укучылары да катнаша,аларга уңышлар телибез!

Интернетта күп утыру сөйләм үсешен тоткарлый, фантазияләрне саегайта. Кешедә(укучыларда ) аралашу сәләтен бетерә.Күп цикллы уеннар, мультфильмнар карау бәйлелек тудыра.Чир барлыкка килә. Шул максаттан, интернетның файдалы һәм тискәре якларын ачыклау дигән тема астында башлангыч сыйныфлар укытучысы Хәмидуллина М.С. тәрбия дәресе уздырды. 

Бүген Венера Маратовна җитәкчелегендәге Курчак театры бездә кунакта булдылар. Башлангыч сыйныф укучылары "Үрдәк бәбкәсе"уен-тамашасын карадылар. Кунакларыбызга күңелле ял иттерүләре өчен зур рәхмәт әйтәбез,коллективка иҗади уңышлар теләп калабыз!

Кошман төп гомуми белем бирү мәктәбе үзенең 100 еллык юбилеен бәйрәм итте. Бер гасырлык мәктәп үзенең тарихын, ветеран укытучыларын, күренекле шәхесләрен барлады. Юбилей кичәсенә күп кунаклар кайтты. Юбилеен белән яраткан мәктәбем!!!

Бүген мәктәбебез коллективы Олы Кайбычның музыка мәктәбе янындагы  мәйданчыкта уздырылган көзге ярминкәдә катнаштылар.Райондашларыбызга мәктәп яны тәҗрибә кишәрлегендә үстерелгән яшелчәләр,төрле камыр ризыклары тәкъдим ителде. Ярминкә укучыларыбыздан оештырылган концерт номерлары белән үрелеп барды. Районыбыз халкы күңелле ял итте.

Укытучыларыбыз бик тырышып иртәгә узачак көзге ярминкәгә әзерләнәләр.