Мәктәбебез юнармиячеләре авылыбыз янәшәсендә "Юнармиячеләр аллеясы " утыртты . Барысы 250 төп ёлка һәм пихта агачларыннан торган урынны алар су сибеп җәй буе тәрбияләп торачак .

  17 нче тапкыр үткәрелә торган район экологик конференциясендә быел да уңышлы чыгыш ясап, 10 нчы сыйныф укучысы Нәргизә лауреат исеменә лаек булды. Тирә-ягыбызны чиста, саф тотарга омтылыйк; табигатебезне саклыйк.

Буа туган як музее тарафыннан 15 нче май-Гаилә көненә багышлап   “Крепкая семья” проекты  астында үткәрелгән сочинениеләр конкурсында 10 нчы сыйныф укучысы Нәргизә уңышлы чыгыш ясап 2 нче урынга лаек булды һәм диплом, китаплар белән бүләкләнде. Һәр балага да тигез, тыныч, нык, тату гаиләдә яшәргә язсын.

16 нчы май көнне  район һәм республика этапларында  фән олимпиадаларында җиңүчеләрне зурладылар. Тантана район мәдәният үзәгендә үтте. Безнең мәктәптән татар теле һәм әдәбияты буенча җиңгән 2 укучы (10, 11 нче сыйныф) чакырылды. Аларга район администрациясенең рәхмәт хатлары һәм бүләкләре тапшырылды. Балаларыбызны шулай зурлаган администрация һәм мәгариф бүлеге җитәкчеләренә зур рәхмәт!

Укучылар мәктәп тирәсен чистартуны дәвам итәләр. Тирә-якны чүп-чардан арындыралар, чәчәк түтәлләре ясыйлар.

8 май көнне мәктәбебезнең алдынгы "Юнармия" челәре район үзегендә "Юнармия"  штабы алдында үзләренең ел буе эшләгән эшләре буенча отчет тотылар . Безнең оешма районда иң алдыгылар рәтендә икәнлеген дәлилләп грамота алып кайтты. Отчеттан соң укучылар Ватан Сугышында һәлак булган райондашлар һәйкәленә чәчәкләр куйдылар .

“Үлемсез полк” акциясендә укучыларыбыз һәм укытучылар зур горурлык хисләре белән катнашалар. Быел да һәркем үзенең фронтовик бабасының фотоларын күтәреп һәйкәл янына җыелды. Шуннан тигез сафларда авыл урамнары буйлап уздылар.

Бөек Җиңүнең 73 еллыгы зурлап бәйрәм ителде. Бердәнбер сугыш ветераны Котдус бабай һәм тыл хезмәткәрләре өчен укучыларыбыз бик матур концерт күрсәттеләр. Авылыбыз һәм мәктәбебез җитәкчеләре аларны Бөек бәйрәм белән котладлар һәм  олы рәхмәт сүзләрен җиткерделәр.

   “ЭКО-Весна” икеайлыгы кысаларында безнең мәктәп коллективы да өмәгә чыкты. Мәктәбебезнең тирә-ягын чүп-чардан чистарттык; мәктәп бакчасын яшелчәләр утыртырга әзерләдек. Көн бик матур һәм җылы иде. Бердәм булып һәм бер-беребезгә ярдәмләшеп  эшләве бик  күңелле һәм кызык булды. Тирә-ягыбыз ялт итте

  Обучающиеся 6,7,8 классов участвовали в социально-психологическом тестировании и мониторинге психологической безопасности образовательной среды в МБОУ «Аксунская СОШ Буинского муниципального района РТ»