16 ноября учащиеся 11 класса написали пробное сочинение по литературе. 

Районда үткән милли көрәш ярышында 8 нче сыйныф укучысы Салават та катнашты һәм җиңүгә иреште. Ул бүләкләнүчеләр пьедесталының 2 нче баскычында, көмеш медаль иясе. Киләчәк ярышларда да җиңүләргә ирешергә булсын.

Укучыларның Бөтенроссия һәм Республика фән олимпиадаларының мәктәп туры тәмам. 9 нчы ноябрьдән муниципаль  этапта фән олимпиадалары башланачак. Безнең мәктәптән математика, география, химия, биология, литература ,рус теле, татар теле, татар әдәбияты, ОБЖ, физкультура,  фәннәре буенча олимпиадаларга чакырылучы укучыларыбыз бар. Алар махсус график буенча олимпиадаларга әзерләнәләр.        

Финанс грамоталыгы дәресләре кысаларында мәктәбебезнең 9 сыйныф укучылары  белән “ Биржа һәм инвестицияләү нигезләре” дигән темага видеодәрес  уздырылды.Укучылар биржа төрләре һәм аларның функцияләре белән тирәнтен таныштылар.

30 нчы октябрь көнне мәктәбебездә зур тантана булды. Ул комсомол оешмасының 100 еллык юбилеена багышланды. Буа районы ветераннар советыннан Роза Хасановна һәм Наиля Садретдиновналар килде. Алар укучыларга комсомол оешмасының тарихы, эшчәнлеге, Бөек Ватан сугышы чорындагы батырлыклары, районнан киткән герой комсомоллар турында эчтәлекле һәм кызыклы докладлар укыдылар; презентацияләр күрсәттеләр; укучыларга изге теләкләрен җиткерделәр. Укучылар әдәби-музыкаль чыгыш күрсәттеләр. Комсомол тормышы тарихына багышланган китаплар күргәзмәсе оештырылды.

Каникул көннәрендә 9, 11 нче сыйныф укучылары имтиханнарга әзерләнү буенча эшләделәр. 31 октябрьдән 2 нче ноябрьгә кадәр район мәктәпләрендә “Умные каникулы” проекты кысаларында  мәктәпара консультацияләр булды. 2 нче ноябрьдә безнең мәктәпнең 9 нчы сыйныф  укучылары  Югары Лащи мәктәбенә барып математика, рус теле, биология фәннәре буенча консультация алып кайттылыар. Укучылар бик канәгать булганнар. Уңышлар сезгә, балалар .   

Бөтендөнья татар конгрессы, Татарстан Республикасы мәдәният, мәгариф һәм фән министрлыклары бергә оештырган халыкара “Җәлил укулары” әдәби бәйгесе кысаларында мәктәбебездә 5 нче ноябрь көнне М.Җәлил шигырьләрен, М.Җәлилгә багышланган башка авторларның шигырьләрен, укучылар үзләре иҗат иткән шигырьләрне сәнгатьле уку бәйгесе булды. Бәйгедә 1-8 нче сыйныф укучылары актив катнашты. Бигрәк тә М.Җәлил шигырьләре күп яңгырады. Бәйгедә җиңгән 3 укучы 9 нчы ноябрь көнне район күләмендә үтәчәк бәйгедә катнашачак. Алар: 8 һәм 9 нчы сыйныф укучылары. Зур җиңүләр телибез аларга.

Укучылар көзге каникулларга китәр алдыннан 29 октябрь көнне “Көзге бозда сак бул!”дип аталган мәктәп күләм класс сәгате булып үтте . Класс сәгатен мәктәпнең ТИН укытучысы һәм Яшь армиячеләр үткәрде. Укытучы бозда саклану кагыйдәләрен аңлатып чыгыш ясады һәм видеофильм күрсәтте. Яшь армиячеләр исә үзләре ясаган “Бозда сак бул ! ” диеп аталган памяткаларын тараттылар.