13 февраля учащиеся 9 класса прошли итоговое собеседование по русскому языку, которое решает вопрос о допущении обучающихся в ОГЭ. Учащиеся хорошо справились заданиями.

10- 11 сыйныф укучылар үзләре теләгән химик темалар буенча презентацияләр ярдәмендә докладлар сөйләделәр. 

Мәктәббездә Д.И. Менделевның химик пероидик системасының 150 еллыгына багышлап  «Химик тәҗрибәләр» күрсәтелде.

 11 нче февральдә  Тәтешнең 1 нче номерлы мәктәбендә “Иң яхшы татар теле укытучысы” бәйгесенең зона этабы үтте. Безнең мәктәптән татар теле һәм әдәбияты укытучысы Губайдуллина И.И. бик уңышлы чыгыш ясады. Ул  мәртәбәле жюри каршында дәрес һәм “Мастер класс” үрнәкләре күрсәтте. Алга таба да зур уңышларга ирешергә булсын. Афәрин!

 Быел укырга керүче балаларның әти-әниләре өчен җыелыш үткәрелде. Анда булачак 1 нче сыйныф укучылары өчен әзерлек дәресләре оештыру мәсьәләсе каралды. Әти-әниләргә таләпләр һәм теләкләр җиткерелде. Балаларны мәктәпкә әзерләүнең дә бик җаваплы эш икәнлеге аңлатылды. Беренче сыйныфка 6-7 укучы керер, дип көтелә.

Мәктәптә төрле һәнәрләргә багышланган матур кичә булды. Аны башлангыч сыйныф укучылары әзерләп үткәрде. Бик күп һөнәрләр турында шигырьләр, җырлар өйрәнгәннәр. Аларның әһәмияте һәм тормышта кирәклеге турында чыгышлар ясадылар, инсценировкалар күрсәттеләр. Бик күңелле булды.

  Мәктәбебезнең 5 сыйныф җитәкчесе Галяутдинова Л.М. “Сыйныф җитәкчесе-2019” бәйгесенең  муниципаль этабында катнашып бик уңышлы чыгыш ясады. Бу бәйгедә Ләйсән Мунировна призер булды. Һәрчак яңалыкка омтылучы, тынгысыз йөрәкле укытучыбызга сокланвбыз. Аңа тагын да зур уңышларга ирешүен телибез.

Беренче сыйныф укучысы Азатның  беренче зур җиңүенә багышланган Әлифба бәйрәме булды. Бәйрәмдә барлык башлангыч сыйныф укучылары да актив катнашты. Укучылар бик кызыклы һәм үзенчәлекле чыгышлар әзерләгәннәр иде.

5 нче февраль көнне мәктәбебездә китап укучылар бәйрәме булды. Иң күп китап укучылар билгеләнде. Алар үзләре яраткан  авторларның шигырьләрен татар телендә сәнгатьле итеп сөйләделәр, туган тел турында матур җырлар башкардылар.

Бөек Ватан сугышы тарихында Ленинград блокадасы-иң аянычлы вакыйгаларның берсе. Шул ук вакытта бу  халкыбызның ныклыгын, фашист илбасарларын җиңүгә ышанычын да күрсәтте. 872 көнлек камалышта ачлыктан 632253 ленинградлының гомере өзелә. 2019 нчы елның 27 нче гыйнварында Ленинград камалышы өзелүгә 75 ел тулды. Шул уңайдан  мәктәптә  “Ленинград камалыш елларында” дигән тема астында батырлык дәресе үткәрелде. Ул тарих укытучысы һәм яшьармиячеләр оешмасы членнары катнашында үтте. “Ленинград Бөек Ватан сугышы елларында” дигән темага  китаплар күргәзмәсе белән дә танышырга мөмкин иде. Укучыларга Ленинград камалышы көннәренә багышланган видеофильм да күрсәтелде.