Аксу урта мәктәбе укучылары канатлы дусларыбыз сыерчыкларны матур-матур оялар ясап каршы алдылар. Бу акциядә башлангыч сыйныф укучылары бик теләп һәм актив катнаштылар. Югары сыйныф укучылары ул ояларны “Сыерчыкларга тулай торак” дигән конкурска туры китереп, мәктәп бакчасындагы биек-биек агачларга урнаштырдылар. Сыерчыклар шәһәрчеге бик матур килеп чыкты. Дусларыбыз үзләре теләгән фатирларны сайлап алсыннар; бәхетле гаилә корып, аяз күк йөзебезгә матур-матур балалар очырсыннар. Рәхмәт сезгә, балалар!

25 нче мартта Яңа Чәчкап урта мәктәбендә  якташ язучыбыз Ә.Рәшит истәлегенә багышланган зур фәнни-гамәли конференция булды. Ул конференциядә безнең мәктәп укучылары да бик теләп катнаштылар. Төрле секцияләрдә чыгышлар ясап, призлы урыннарга лаек булдылар. Афәрин, балалар!

22нче март көнне авыл мәдният йорты каршында Нәүрүз бәйрәме оештырылды. Укучылар бәйрәм хөрмәтенә монтаж күрсәттеләр; концерт номерлары белән чыгыш ясадылар; төрле кызыклы һәм спорт уеннары оештырдылар. Бәйрәм ярминкәсе дә гөрләп эшләде. Укучылар әниләре белән бергә пешергән тәмле ризыкларын алып килделәр. Ашханә хезмәткәрләре тарафыннан пешерелгән коймаклар һәм карга боткасы да телеңне йотарлык иде. Өметләребез, теләгән теләкләребез тормышка ашсын.

   Авыл китапханәсендә Шигърият көненә карата сәнгатьле шигырь укучылар бәйгесе булды. Җиңүчеләр һәм призёрлар билгеләнде.Аларга грамоталар тапшырылды.

19 нчы март көнне Аксу урта мәктәбе базасында тарих һәм җәмгыять белеме укытучыларының район семинары булды. Район мәктәпләреннән тарих һәм җәмгыять белеме укытучылары катнашты. Аксу урта мәктәбе укытучысы Гүзәл Завитовна җәмгыять белеме буенча ачык дәрес һәм авылдашларыбыз Шәрәфләр нәселе эшчәнлеге турында ачык дәрестән тыш чара үткәрде. Укуытучылар шулай ук  тарих һәм җәмгыять белемен укыту өлкәсендәге актуаль темаларга фикерләр алыштылар; ЕГЭ һәм ОГЭ биремнәре турында сөйләштеләр.

  18 нче март көнне мәктәп күләмендә чаңгы ярышы уздырылды. Барлык сыйныф укучылары да бик теләп катнашты. Һәр сыйныфтан җиңүчеләр һәм призёрлар билгеләнде. 

  13 марта, на базе МБОУ «СОШ им.академика Р.Сагдеева» состоялась XVII  ая районная научно-практическая конференция школьников имени Л.Н.Толстого. Ученик 9 класса нашей школы Расим занял призовое 2 место с исследовательской работой, посвященной творчеству великого русского писателя Л.Н.Толстого «Надо жить, надо любить, надо верить».

Цифровое ТВ 

12 марта на базе Ново-Чечкабской средней школы был проведен кустовой этап конкурса «Грамотность на кончике пера» по русскому языку. Участвовали победители школьного тура. Наши учащиеся заняли призовые места. Учащиеся 10, 11 класса, победители кустового тура, будут участвовать на районном туре. Желаем им больших успехов и призовых мест.

6 март көнне традицион “Ягез әле,кызлар!” бәйгесе үтте. Бәйгедә 7 һәм 8 сыйныф кызлары “Розалар” һәм “Гөлҗимешләр” командалары булып көч сынаштылар. Кызлар өчен бик матур, күңелле уеннар әзерләнгән иде: сәламләү, исем яклау, татар кызы киемен күрсәтү, милли бию, прическа ясау, җыр, шигырь һ.б. Кызларның берсе дә сынатмады. Нәтиҗәдә һәр ике команда да тигез баллар җыеп җиңүче булдылар. Алдагы сыйныфларда да шулай бердәм һәм тырыш булып көрәшегез, кызлар.