4 октябрь илкүләм "Гражданнар Оборонасы" көне итеп билгеләп үтелә. Безнең мәктәптә бу көн укучыларны һәм хезмәткәрләрне эвакуацияләү буенча өйрәнүләрдән башланып китте . Шуннан соң укучылар алдында ТИН укытучысы чыгыш ясады . Әңгәмә ахырында районның МЧС бүлегеннән килгән "ГО тарихы "  турында видеофильм күрсәтелде.

Россия Банкы тарафыннан  “ Финанс грамоталылыгы буенча “Онлайн дәресләр” күрсәтә. Алар 2,3,4 нче октябрь көннәрендә үткәрелде. Безнең мәктәп укучылары да бу дәресләрдә катнаштылар. Дәрес темасы “С деньгами на ты" һәм "Зачем быть финансово грамотным?”  Дәресләрдә катнашуны тарих һәм җәмгыять белеме укытучысы Камалиева Гюзель Завитовна оештырды. Дәресләрне 6,7,8 нче сыйныф укучылары карады. Алар дәресне алып баручыга төрле сораулар да бирделәр. Укучылар акча белән эш итәргә өйрәнделәр.

 ЮИД отряды укучылардагы  утяктырткычларны барлады. Юлда йөрү кагыйдәләре турында лекцияләр укыдылар.

 28 нче сентябрьдә  5 нче сыйныф укучылары  балалар бакчасына спектакль әзерләп кунакта булдылар. Алар нәни дусларына “Башак” дигән әкиятне сәхнәләштереп күрсәттеләр. Ә кечкенәләр аларны бик ләззәтләнеп, кызыксынып, игътибар белән тыңладылар. Соңыннан әкиятнең эчтәлеге буенча әңгәмә дә кордылар: эшләмәгән ашамый,  дигән нәтиҗәгә килделәр.

     6 сентябрьдән 29 нчы сентябрьгә кадәр “Зеленая Россия” дигән Бөтенроссия экологик өмәсе уза. Бөтен халык илебезне чүп-чардан чистартырга чыга. Безнең яшь экологлар да, өмәгә кушылып, мәктәп территориясен җыештырырга чыктылар. Тирә-ягыбыз тагын да чистарып, матурланып китсен әле.

   “Экстремизму-НЕТ!” айлыгы кысаларында “Досуговый центр” мәктәбебез укучыларына “Со дна вершины” дигән кинофильм күрсәтте. Фильм мәгънәле, гыйбрәтле һәм тәрбияви яктан бик әһәмиятле иде. Балалар бик канәгать булдылар.

      19 нчы сентябрь көнне башлангыч сыйныфлар белән матур кичә оештырылды. Аларга тантаналы рәвештә “Мәдәни көндәлекләр” тапшырылды. Кичәдә авыл китапханәсе мөдире, мәктәп җитәкчеләре, сыйныф җитәкчеләре, 1 нче сыйныф укучыларының әниләре катнашты. Бу тантана бигрәк тә 1 нче сыйныф укучылары һәм аларның әниләре өчен әһәмиятле, чөнки алар бу көндәлекләрне беренче тапкыр гына кулларына алалар. Алар белән ничек эшләргә икәнен үткән елларда күп эшләп уңышларга ирешкән әниләр чыгыш ясады, презентацияләрен күрсәттеләр. Укучыларга һәм аларның әти-әниләренә көндәлекләр белән эшләүдә зур уңышлар телибез.

   Аксу авылы акушерлык пункты фельдшеры Рузилә Шәрифовна укучылар янга килде. Ул авыруларны булдырмау юлларын аңлатты, укучыларны һәр төрле авырулардан сакланырга өндәде. Гриппның нинди куркыныч авыру икәнлеген аңлатты, аңа каршы укол салдырырга чакырды. Сәламәтлегебез үз кулыбызда, аны һәр чак  саклыйк!

Мәктәп бакчасындагы алмагачлар бик мул алма бирделәр. Укучылар сентябрь ае буенча алма белән сыйланалар. Ящикларга  тутырып, кышка да витамин әзерлиләр.

4,5 нче сыйныф укучылары күл буенда актив ял итеп кайттылар. Алар анда балык тоттылар, табигать матурлыгына сокландылар, тәмле ризыклар белән сыйландылар.