“Бердәм Парламент дәресе-2019” акциясе кысаларында мәктәбебездә ачык чаралар  уздырылды. 1. 1-4 нче сыйныфларда “РФ Парламенты тарихы һәм хәзергесе” дигән темага дәрес-презентация үтте.2. 5-9 нчы сыйныфларда “Сәяси партияләр” дигән темага дәрес уздырылды. 3. 9-11 нче сыйныфларда “Сайлау процессы” темасына бердәм дәрес булды.   Шулай ук укучылар норматив актлар белән эшләделәр, эшлекле уеннарда катнаштылар.

  14 нче май көнне Буа шәһәренең 1 нче номерлы урта мәктәбендә район күләмендә “Экология һәм безнең тормыш” дигән темага экологик конференция булды. Безнең мәктәптән 9 нчы сыйныф укучысы Хәйруллин Рәсим “Тирә-як һәм кеше сәламәтлеге” секциясендә “Кыяр нитраты һәм агротехник үзенчәлекләре” дигән темага  уңышлы чыгыш ясап, 1 урынга лаек булды һәм дмплом белән бүләкләнде. Котлыйбыз !!!.

  “Сыерчыкларгы тулай торак” район конкурсында 3 нче урынга лаек булдык һәм Буа муниципаль районы Башкарма комитеты дипломы белән бүләкләндек. Димәк, фатирларыгыз ышанычлы, ныклы, кошкайларыбыз. Тынычлап, рәхәтләнеп яшәгез.

  Укучылар “Хәтер агачы”на хөрмәтле сугыш һәм тыл батырларының фоторәсемнәрен элделәр.

   Бөтен ил күләмендә бара торган “Үлемсез полк” акциясенә кушылып, мәктәбебез укучылары да шул сафка бастылар. Ветеран бабаларының, туганнарының фоторәсемнәрен күтәреп, урамнар буйлап үттеләр. Без аларны онытырга тиеш түгел. Шуңа күрә аларны баш өстенә күтәреп, горурланып атлыйбыз.

Бөек Җиңүнең 74 еллыгын каршылап, бик матур чаралар оештырылды...Укучылар “ Дан сиңа, дан, Ватан солдаты...” дигән темага әдәби-музыкаль монтаж әзерләделәр һәм аны авыл мәдәният йортында ветераннарга, укучыларга күрсәттеләр.

Буа шәһәрендә үткән шигырь бәйрәмендә укучыларыбыз бик теләп катнаштылар.Сәнгатьле шигырь сөйләү бәйгесендә катнашып, җиңүче дипломына да лаек булдылар.

24 нче апрельдә Буа шәһәре Р.Сәгъдиев мәктәбендә 4 нче республикакүләм   “ Киләчәге бар халык без, Шәхесләргә бай халык без” дигән фәнни-гамәли конференция кысаларында үткән  “Р.Харис укулары” дигән шигырь укучылар бәйгесендә безнең укучылар да катнашты. Алар, Р.Харис шигырьләрен төрле телләрдә сәнгатьле сөйләп, лауреат һәм призёр грамоталарына лаек булдылар. Афәрин, балалар!

17-24 нче апрель көннәрендә 5 нче Бөтенроссия финанс грамоталылыгы атналыгы узды.Аның темасы “Финансовая грамотность в цифровом формате-будь в курсе!” дип аталды. Атналык кысаларында укучылар тарих укытучысы Камалиева Г.З.җитәкчелегендә  төрле чараларда катнаштылар. Төрле темаларга вебинар дәресләрдә булдылар. (“Зарабатывать с банковской картой”,  “Все про кредит или 4 правила, которые помогут”, “Вклады. Как сохранить и преумножить”). “Инфоурок” проекты буенча финанс грамоталылыгы марафонында катнашып сертификатлар алдылар.

  26 нчы апрель көнне укучылар Бөек Ватан сугышы тарихы буенча он лайн тест үттеләр. Барлыгы 20 укучы катнашты.Укучылар бик тырышып 30 тест соравына җаваплар бирделәр.