22 нче февраль көнне урта һәм югары сыйныф укучылары өчен "Батырлык сәгате" үтте. Ул Ватанны саклаучыларга, кайнар нокталарда хәрби хезмәтен үткән егетләргә һәм Совет гаскәрләренең Әфганстаннан чыгарылуына 25 ел тулуга багышланган иде. Дәрес презентация белән үрелеп барды. Укучылар Ватанны саклаучылар турында шигырьләр укыдылар.Кызлар, егетләрне якынлашып килүче бәйрәм белән котлап, концерт номерлары күрсәтте. Дәрес ахырында Әфганда хезмәт итүчеләргә багышланган фильм күрсәтелде.

Бүген башлангыч сыйныф укучылары, командаларга бүленеп,"Әтиләрдән калышмыйк" исемле эстафета уеннары үткәрделәр. Анда әтиләр дә катнанашты.

Бу атнада башлангыч сыйныф укучылары "Ватан сакчылары" исеме астында фотокүргәзмә оештырдылар. Анда бабаларының,  әтиләренең, абыйларының армия сафларында хезмәт иткәндә төшкән фотосурәтләрен урнаштырдылар.

Бүген югары һәм урта сыйныф укучылары авылдашларыбызны Ватанны саклаучылар көне белән тәбрикләп котлау открыткалары ясадылар һәм аларны авылыбызның   билгеләнгән урыннарына элеп куйдылар.

21 нче февраль- Халыкара туган тел көне. Шул уңайдан Ф.Яруллин музей-йортында бу бәйрәмгә багышланган тантана үтте. Анда безнең мәктәп укучылары да катнашты. Бәйрәмдә укучылар туган телебезгә багышланган шигырьләр сөйләделәр, җырлар тыңладылар. Туган телебез турында күпфайдалы мәгълүмат туплап кайттылар.

10 нчы сыйныф укучылары  күренекле шагыйрь, Советлар Союзы герое М.Җәлил музеенда экскурсиядә булдылар. Алар шагыйрьнең тормыш юлы белән якыннанрак таныштылар, җәлилчеләр батырлыгы турында тыңладылар. Яңа гына ремонттан соң ачылган музей һәм аңың җитәкчесе Светлана Ахметовнаның сөйләгәннәре укучыларга бик ошады.

Бүген мәктәптә, авылыбыз Мәдәният йорты белән берлектә, Кышкы Сабантуй бәйрәме үтте. Ул концерт номерлары белән башланып китте. Соңыннан күңелле эстафета уеннары оештырылды.

Бүген Баулы шәһәренең №4 нче санлы Татар гимназиясендә Җәлилчеләргә багышланган шигырь бәйгесе үткәрелде. Безнең мәктәп укучылары аннан җиңүләр яулап кайттылар: башлангыч сыйныфлар арасында знче сыйныф укучысы Низамова Ралина  II  урынга, урта сыйныфлар арасында 7 нче сыйныф укучысы Залеева Аделина   I урынга, югары сыйныфлар арасында 10 нчы сыйныф укучысы Басыйрова Айсылу III  урынга лаек булдылар. Җиңүләрегез белән сезне, кызлар!.

Бу атнада мәктәп китапханәсендә Совет Армиясе һәм Бөек Ватан сугышы тарихы белән бәйле китаплар күргәзмәсе оештырылды.

Бүген мәктәбебездә,авыл Мәдәният йорты һәм Ф.Яруллинның музей-йорты белән берлектә, Ф.Яруллинның туган көненә багышланган әдәби-музыкаль кичә узды. Ул Фәнис аганың тормыш юлы белән бәйләп алып барылды. Кичәдә әдип белән бәйле фотографияләрдән торган презентация күрсәтелде,  күренекле язучының шигырьләре, аның сүзләренә язылган җырлар яңгырады. Бәйрәмгә Ф.Яруллинның бертуган апасы Насиха апа да чакырылган иде. Укучылар алдында шулай ук Ф.Яруллин музееның архив сакчысы Ильмира Харис кызы да чыгыш ясады.