"Уңыш бәйрәме" уңаеннан мәктәптә "Көзге сувенирлар" бәйгесе үтте. Анда Габдрахманова Азалия(3нче сыйныф),Гуссамов Ридаль(3 нче сыйныф),Нурутдинова Айгизә(2 нче сыйныф) җиңүче дип табылды,  ә Низамова Ралина(4нче сыйныф), Сунгатуллина Азалия (3нче сыйныф), Галимуллина Рәзинәләрнең(2нче сыйныф) эшләре призлы урынга лаек булды. Молодцы, укучылар!

Бүген мәктәбебезгә  Баулы шәһәренең "Шәфкатьлелек" үзәгеннән кунаклар килде . Алар 8,9,10,11 нче сыйныф укучылары өчен сыйныф сәгатьләре үткәрделәр.

Укытучылар көне уңаеннан бүген мәктәптә Үзидарә көне булды. Өлкән сыйныф укучылары үзләрен укытучылар ролендә сынап карадылар. Хәтта директор , тәрбия , укыту , хуҗалык эшләре буенча урынбасарлар да укучыларның үзләре арасыннан сайланган иде. Һәркем үз вазыйфасына бик җитди карады һәм мәктәптәге тәртипне ныклы контрольдә тотты. Бу көнне бердәнбер тәртипсез 12 сыйныф - укытучылар сыйныфы артык шаулаша башласа: "Укучылар", бик  каты шаулашасыз, дәресләр бара бит",- дип, кисәтү ясарга да онытмадылар.

 Бу көн чын бәйрәм төсен алды. Укытучыларга укучы булу, ә укучыларга, үзләрен укытучылар ролендә тотып,  бөтен йөкләмәне үз өсләренә алу бик ошады. Бәйрәм белән Сезне, хөрмәтле укытучылар!

 Укытучылар көне уңаеннан бүген мәктәптә Бәйрәм концерты узды. Ул укучыларның үз көче белән әзерләнгән иде. Укучылар укытучыларына багышлап җырладылар, биеделәр, фокуслар күрсәттеләр. Соңыннан, егетләр чыгып, укытучыларга чәчәк бәйләмнәре бүләк итте. 

 Укытучыларны бәйрәм белән котларга, бу көнне авылыбызның Мәдәният йорты хезмәткәрләре дә килгән иде. Алар укытучыларга үзләре алып килгән концерт номерларын бүләк иттеләр.

Авлыбызның Җирле үзидарә советы рәисе Эльвира Әнәс кызы  шулай ук укытучыларны һөнәри бәйрәмнәре белән котлады Һәм, һәрвакыт ярдәм итергә әзер торганнары өчен , рәхмәт сүзләрен җиткерде.

Бүген авылыбыз Мәдәният йортында Җирле үзидарә, Ветераннар советы һәм мәктәп коллективы берлегендә әзерләнгән Өлкәннәр көненә багышланган бәйрәм тантанасы үтте.

 Өлкәннәр көне уңаеннан укучылар Уба авылында яшәүче Бөек Ватан сугышы ветераны Камалтдинов Фәрәзетдин абыйны бәйрәм белән котладылар.

Бүген мәктәптә Юл хәрәкәте куркынычсызлыгы дәресләре үтте. Укучылар анда юл кагыйдәләрен кабатладылар, төрле биремнәр үтәделәр, шул темага кагылышлы фильмнар карадылар.

24 нче сентябрь көнне мәктәптә ата-аналар җыелышы үтте. Анда Баулы шәһәренең ГИБДД вәкилләре Исхаков Динар Фәвис улы һәм Игнатьева Разида Илсур кызы катнашты. Алар әти-әниләрне юл куркынычсызлыгы кагыйдәләре белән таныштырдылар, юл һәләкәтен кисәтү алымнары турында сөйләделәр . Ата-аналар игътибарына шушы теманы яктырткан видеофильмнар тәкъдим ителде .

 Шулай ук мәктәпләрдә кертеләчәк ГТО нормалары турвнда физкультура укытучысы Давлиев Айрат Ришат улы сөйләде.

Мәктәпне капиталь төзекләндерүдә катнашкан әти-әниләргә мәктәп җитәкчелеге тарафыннан Рәхмәт хатлары тапшырылды 

Бүген Баулы шәһәрендә "Кросс Наций" үтте. Анда безнең мәктәп укучылары да катнашты. 11нче сыйныф укучысы Габидуллина Алсу һәм 8нче сыйныф укучысы Шакирянов Радель алдынгы5 нче урыннарны алды.

Бүген мәктәптә Чисталык дәресләре үтте. Укучылар бу көнне табигатькә экскурсиягә бардылар, агачлар утырттылар, мәктәп янын җыештырдылар һәм сыйныф сәгатьләрендә чисталык турында сөйләштеләр.