26 нчы апрель - Бөек шагыйрь Габдулла Тукайның  туган көне. Шагыйрьгә  128 ел тулу уңаеннан мәктәптә аны искә алу кичәсе үткәрелде.

23нче апрель көнне Республикакүләм “Яшь буынга белем һәм рухи-әхлакый тәрбия бирү” дип исемләнгән әхлак укытучылары семинары узды. Семинарга хөрмәтле кунаклар – Татарстанның төрле районнарыннан килгән мөхтәсибләр, Татарстан Республикасы дәүләт советы депутаты – Мифтахов Фәрит Фәиз улы, ТР Президент аппараты каршындагы дини оешмалар белән багланышлар бүлеге җитәкчесе – Гатауллин Илнур Илдар улы, ТР Президенты аппараты каршындагы дини оешмалар багланышлар бүлеге башлыгы – Хәйдәров Ләззәт Илдар улы, ТР мөселманнарының Диния нәзарәте рәисе, мөфти – Сәмигулллин Камил Искәндәр улы һәм ТР мөселманнарының Диния нәзарәтенең гомуми бүлек җитәкчесе – Җиһаншин Ильяс Исхак улы, “Хезмәт” газетасы редакторы – Зәкиев Вакыйф Мансур улы да килгән иде.

19 нчы апрель көннәрендә Балтач муниципаль район күләмендә үткәрелгән 2003-2004 нчы елгы малайлар арасындагы баскетбол ярышларында безнең мәктәпнең малайлар командасы II урынны яулап диплом белән бүләкләнде. Афәрин, малайлар!

18 нче апрель көнне Бөтендөнья татар конгрессы каршында эшләп килүче “Ак калфак” Бөтендөнья татар хатын-кызларының иҗтимагый оешмасы әгъзаларын каршы алдык. Мәктәбебездәге милли, рухи – әхлакый тәрбия  эшчәнлегебезне тәкъбир итттек. “Муса Җәлил” музеенда “Кызыл ромашка ” штабы экскурсоводлары музей белән таныштырдылар.

Апрель ае - безнең мәктәптә  филология  айлыгы . Төрле тел фәннәреннән кызыклы бәйгеләр, ачык чаралар, дәресләр планлаштырылды.

Мәктәптәге  яшь рәссамнарның галериясе эшләп килә. Ул даими рәвештә  гел яңартып, тулыландырып торыла. Гафурова Миләүшәгә, Шакирзянова Айгөлгә, Нәбиева Йолдызга киләчәктә дә иҗат уңышлары  телибез!

Шушмабаш мәктәбе укучылары белән мәктәбебез егетләре арасында баскетбол буенча дусларча очрашу үтте.

9 апрель көнне  мәктәптә “Яңа стандартлар гамәлдә” темасына гомуми ата-аналар конференциясе булды.Беренче көн тәртибе буенча әти-әниләр белән төрле юнәлешләрдә мастер класслар уздырылды. Гомуми өлештә әти-әниләргә укытучылар тарафыннан чыгышлар ясалды, киңәшләр бирелде. Көн азагында әти-әниләр үзләренең фикерләрен, рәхмәтләрен  белдерделәр.

1948 елдан ел саен 7 апрельдә Дөньякүләм сәламәтлек көне билгеләнеп үтелә. Мәктәптә дә бүген  сәламәтлек көне.Бу көндә бөтен укучыларның  сәламәтлекләрен яхшыртырга булыша ала торган чараларда катнашу өчен мөмкинлек алалар.   Иртәнге зарядкадан соң, һәр класс сәламәтлек көненә багышланган вымпелларны якладылар, дәресләрдән соң башлангыч сыйныф укучылары өчен спорт уеннары, укытучы һәм укучылар арасыда волейбол ярышлары уздырылачак.

Бүген мәктәптә әти-әниләргә “Ачык ишекләр”көне уздырылды. Әти-әниләр өчен 1-11 сыйныфларда ачык дәресләр һәм түгәрәкләр  эшчәнлеге күрсәтелде.