10 нчы октябрь көнне мәктәбебездә 2014-2015 нче уку елына президент сайлаулары уткәрелде. Әлеге сайлауларда 5-11 сыйныф укучылары актив катнаштылар. Тавышлар санын  кандидатлар узләре тикшерделәр. Нәтиҗәләр буенча, 5 кандидат арасыннан  9 нчы сыйныф укучысы Камалетдинова Таңсылу сайлауларда  җиңеп чыкты! Котлыйбыз аны!

9 нчы октябрь көнне мәктәптә “Игенче” күмәк хуҗалыгы тарафыннан бирелгән корбан итеннән бик тәмле көндезге аш пешерелеп, балаларга ашатылды. Ашау алдыннан әхлак укытучысы Ахметзянова Р.К. тарафыннан Корбан бәйрәме турында вәгазь әйтелде.  Без мәктәп коллективы исеменнән “Игенче” күмәк хуҗалыгына, тәмле ашлар пешерүче пешекче апаларыбызга  рәхмәтебезне белдерәбез. Балаларыбыз елның елында бу бәйрәмне көтеп алалар.

9 нчы октябрь көнне мәктәптә Балтач киносетеннән “Древо мира” исемле кино алып килеп күрсәтелде. Кинодан соң әхлак укытучысы Ахметзянова Р.К. белән очрашу уздырылды. Кинога карата карашларын, фикерләрен  әхлак укытучысы Ахметзянова Р.К. аңлатып китте. Бу чара балалар өчен бик файдалы булды.

7 нче октябрь көнне Укытучылар көне үтте. Үзидарә укучылары һәм зур теләкләре булган укучыларыбыз үзләрен укытучы итеп тойдылар.  Алар укытучылар урынында  балаларга дәресләр бирделәр. Киләчәктә укытучы һөнәре престижный булу үзебездән тора. Укучыларда укытучы һөнәренә хөрмәт белән карауны тәрбиялик.  Укытучылар көне котлы булсын!

8 нче октябрь көнне мәктәптә зурлап Өлкәннәр көне уздырылды. Кунакка килгән әби-бабайларыбызга 5 нче  сыйныф укучылары матур концерт күрсәттеләр. Чын күңелдән шигырь һәм җырларын бүләк иттеләр. Өлкәннәр көне мөбәрәк булсын 

5 нче октябрь көнне район узәгендә зурлап көзге ярминкә уздырылды. Әлеге ярминкәдә Карадуган урта  гомуми белем мәктәбе дә үз бакчасында җитештерелгән яшелчәләрне тәкъдим итте. Ярминкә матур җырлар белән бик куңелле үтте. Килгән кунаклар да канәгать калганнардыр дип өметләнәбез!

Бүген, 3 октябрь көнне, укытучыларны профессиональ бәйрәмнәре белән тәбрикләргә Карадуган балалар бакчасына өлкән группага йөрүче балалар мәктәбебезгә кунакка килделәр. Алар укытучылар коллективына чәчәкләр бәйләме һәм үзләренең матур теләкләрен шигырьләр һәм җырларда җиткерделәр. Бик зур рәхмәт аларга!

Рособрнадзор чыгарылыш сочинениесен язу көннәрен билгеләде

Быел чыгарылыш сочинениесен (иншаны) укучылар декабрь аеның беренче чәршәмбесендә (3 нче декабрь көнне) язачаклар. Бу турыда Россия мәгариф күзәтчелегенең Белем бирү сыйфатын бәяләү идарәсе башлыгы урынбасары Людмила Каврева белдерде. Сочинение язу ике этаптан торачак. Аның беренчесе - декабрь аеның беренче чәршәмбесе. Ә сочинениене кабаттан бирү көне буларак февраль аеның беренче чәршәмбесе (4 нче февраль) билгеләнгән. "Нинди дә булса сәбәпләр килеп чыгып, укучылар беренче этапта сочинение яза алмый калырга мөмкиннәр, шуңа күрә чыгарылыш сочинениесен язу 2 этапта оештырылган.

27 нче сентябрь көнне “Тәрбиячеләр көне”нә карата укучылар үзидарәсе “Тәрбиячеләрне котла” акциясен үткәрделәр. Карадуган балалар бакчасы тәрбиячеләрен котлап иң изге теләкләр теләделәр. Һәрвакыт бердәм булып яшик. 

22 сентябрьдән мәктәптә фән олимпиадаларының мәктәп турлары башланды. Укучыларга уңышлар телибез.