5-6 нчы декабрь көннәрендә мәктәбебездә Сингапур методикасын өйрәнү буенча укуларның икенче этабы узды.  Элеге курсларны А.Ю.Закиева, Р.Г.Ашрапова, М.С.Антонова уткәрделәр. Алынган мәгълүматлар, өйрәнелгән структуралар  укытучылар өчен  кызыклы һәм файдалы булды.

Башлангыч класслар декадасы кысаларында 1-4 сыйныфлар әниләргә ачык ишекләр көне уткәрделәр. Шулай ук һәр класста ачык дәресләр уздырылды, аннан соң әти-әниләргә концерт программасы курсәтелде. Бәйрәм балаларның үзләренә дә, килгән кунакларга да бик ошады.

3 нче декабрь көнне башлангыч класслар декадасы кысаларында балалар белән физкультура укытучысы И.М.Зайнуллин  «Весёлые старты» уенын уткәрде. Элеге ярышларда төрле спорт уеннары, шаян сораулар укучыларда зур кызыксыну уятты. Балалар һәр конкурста бик теләп катнаштылар һәм бәйрәмне бик ошаттылар.

1 нче декабрьдән Башлангыч классларның  декадасы башланып китте. Тәнәфесләрдә төрле интеллектуаль  биремнәр эшләтелә, иҗади эшләр башкарыла.

3 нче декабрь көнне 11 сыйныфларда сочинение язу  үткәрелә. Укучыларга уңышлар телибез.

1 нче декабрь көнне, Коррупциягә каршы көрәш декасы “Коррупциягә - юк” дигән  ачык дәрес белән башланып китте. 10 сыйныфта  ачык дәресне Хашимова Г.Р. уздырды.   Ачык дәрескә Гарипова Энҗе Фаритовна килде. Ахырдан балаларга үзенең киңәшләрен дә җиткерде.

28 нче ноябрь көнне мәктәбебездә математика фәненнән «Инновационные подходы в методике преподавания математики» исеме астында республика семинары булып узды. Әлеге чарага Татарстан Республикасынын төрле районнарыннан математика укытучылары җыелды. Семинарда сингапур методикасы буенча математикадан мастер класслар уздырылды, укучылар фәнни тикшерүләре буенча чыгыш ясадылар, математикадан ЕГЭ га хәзерлек буенча ресурс үзәге эшчәнлеге курсәтелде.

«Хокук айлыгы» кысаларында 26 нчы ноябрь көнне мәктәбебездә 5-11 сыйныфлар арасында социаль партияләр булдырып, укучыларның тәкъдим-теләклэрен җиткерү конкурсы булып үтте. Укучылар кызыклы программалар әзерләп, мәктәп һәм авыл тормышына кертергә теләгән үзгәрешләрен тәкъдим иттеләр. Әлеге чара укучыларга да, укытучыларга да бик ошады.

20 нче ноябрь көнне 11 сыйныф укучылары , рус  теле фәненнән 3 нче декабрьдә язылачак сочинениегә әзерлек йөзенннән,  сочинение язып карадылар. Республика күләмендә 3 юнәлештәге тематика  тәкъдим ителде.  11 сыйныф укучыларына  уңышлар телибез!

Хокук айлыгы кысаларында Законнар һәм хокуклар тематикасы буенча рәсем конкурсы уздырылды,нәтиҗәләр ясалды, җиңүчеләр билгеләнде.