12 нче майда 9 класс укучылары татар теленнән ОГЭ эшләгәннәр иде. Безнең мәктәп укучылары бу имтиханны әйбәт кенә бирделәр. Аларны бу уңышлары белән котлыйбыз. Алдагы имтиханнарда уңышлар телибез.

Без, башлангыч сыйныф укучылары бүген( 25нче май) Ташкы елгага экскурсиягә бардык.   Кызыклы уеннар уйнадык, көлдек, шаярдык, рәхәтләнеп ял иттек.   Көлгә күмеп пешерелгән   бәрәңгене  һәрберебез яратып ашады. Кояш та җылы нурлары белән безне иркәләде. 

Көтеп алган җәйге каникуллар якынлаша. Уку елы ахырында барлык класслар да табигать кочагында булырга, туган ягыбызның гүзәллеген күреп кайтырга ашыга. Экскурсия, походларга бару аларны тагын да якынайта, коллективизм хисләре тәрбияли

23 нче май көнне мәктәбебездә 9нчы сыйныф укучылары өчен идулкынландыргыч көн - "Соңгы кыңгырау" бәйрәме узды. Кояшлы, җылы көнне матур бәйрәм уздырылды. Әти-әниләр, укытучылар, укучылар барысыннан канәгать калдылар.

Таткино хезмәткәрләре укучыларга Бөек Ватан сугышы чорын чагылдырган "Чаклун и Румба" дип исемләнгән кинофильм күрсәттеләр.

Уку елын йомгаклауга санаулы көннәр генә калды. Барлык укучылар Һәр фәннән йомгаклау контроль эшләре эшлиләр.

Халыкара балалар ышаныч телефоны көне 17 нче май көнне билгеләп үтелә. Ышаныч телефоны буенча бала аноним рәвештә квалификацияләнгән психологик ярдәм алачак. Шулай ук бу номер буенча гаиләдә һәм аннан тыш физик көч куллану очраклары буенча да ярдәм сорарга мөмкин. Россия күләм ышаныч телефоны 8-800-2000-122 (гади телефоннан да, кесә телефоныннан да шалтырату бушлай).

Бүген мәктәбебез укучылары һәм укытучылары, мәктәп территориясен тәртипкә китерү буенча, өмәдә катнаштылар.

15 май - Гаилә көне. Гаилә - татулыгы белән көчле, ди халкыбыз.Күшәр төп белем бирү мәктәбендә үткән әңгәмә дә нәкъ менә шул темага булды.