17 нче сентябрь көнне, башлангыч сыйныф укучылары, көзге табигатьне күзәтергә, экскурсиягә, Ташлы елгага бардылар.Укучылар рәхәтләнеп ял итеп,саф һавада уеннар уйнадылар

Елдагыча укучылар һәм укытучылар тырышлыгы белән үстерелгән бәрәңгедән, мул уңыш җыеп алынды.

Бүген мәктәптә укучыларның, укытучыларның пожар куркынычлыгы вакытында әзерлекләрен тикшерү максатыннан эвакуацияләү эшләп каралды.

Бүген мәктәптә "Финанс грамоталылыгы көне" уңаеннан, һәрбер класста сыйныф сәгатьләре оештырылды.

Бүген 7 сентябрьдә, 8 нче, 9 нчы сыйныф укучылары һәм  аларның әти-әниләре мәгариф бүлеге җитәкчесе Гөлшат Марс кызы белән очраштылар. Алар ОГЭга кагылышлы яңалыклар, яңа таләпләр белән таныштылар.

7- 16 сентябрь  атнасы мәктәбебездә "Неделя трезвоcти"  буларак игълан ителде.  Безгә  тормышта бик күп мәсьәләләрне хәл итәргә туры килә. Һәр нәрсәне аек акыл белән,  уйлап эш итәргә кирәк. Укучылар авыр ситуацияләрдән чыгу юлларын мөстәкыйль таба белергә тиешләр. Ә безнең максат аларны өйрәтү, дөрес юнәлеш бирү. Шул сәбәпле, 6-9 класс укучылары белән "Мин тормышны өйрәнәм" исеме астында  уен-бәйге үткәрелде.

"Время доверять" акциясе кысаларында барлык классларда  да сыйныф сәгатьләре үткәрелде.

Беренче кыңгырау укучыларны  “Мин – сәләтле бала” темасы астында тәүге дәрескә чакырды. Очрашуга ветеран укытучы Фомина Лилиа апа, Күңгәр җирле үзидарә башлыгы Гарипова Гөлназ Хафиз кызы, Күшәр авылы имамы Фәтхрахман абый, район яшьләр эше, спорт һәм туризм бүлеге җитәкчесе Камил Сираҗиев Равил улы килделәр. 

Яңгырый бүген һәр төбәктә,

Көмеш кыңгырау чыңы.

Мәктәпләргә рәхим ит, әйдә,

Яңа уку елы!!!

Менә тагын җәйләр узды һәм сагынып көтеп алган 1 нче сентябрь – Белем бәйрәме килеп җитте. Бу көнне һәрберебез дулкынланып, шатланып каршы ала: беренче тапкыр мәктәпкә баручы да, өлкән сыйныфларда укучы да, әти-әниләр дә. Балаларны да, өлкәннәрне дә шушы ямьле бәйрәм белән тәбрик итәбез. Мәктәптә үткәрелгән  чарага  әти-әниләр, хөрмәтле кунаклар, балалар бакчасыннан нәни дусларыбыз  килгән иде.  Бәйрәм бик күңелле узды. 

26 август көнне Күшәр төп гомуми белем бирү мәктәбендә укытучылар киңәшмәсе булып узды. Әлеге утырышта 2014 - 2015 нче уку елына йомгак ясалды, яңа уку елына әзерлек турында сөйләшенде.