Сегодня 16.09 отмечается день рождение Джульетты-главной героини проищведения великого английского писателя У Шекспира. В честь этого учитель русского языка и литературы Гимадиева Г.Н.  провела классный час с 9 классом на тему "Любовь сильнее смерти и страха смерти, только ею, только любовью держится и движется жизнь"

  Без – сәламәт яшәү рәвеше өчен!

 “Мөстәкыйль балалар” проектында катнашучы укучыларыбыз   “Тәмәкесез Россия” акциясе үткәрделәр. Акциядә төрле яшьтәге кешеләр катнашты.   Укучылар аларга  проект турында сөйләп, аңлату эшләре алып бардылар, яман гадәтләргә каршы торырга чакырдылар, сәламәт яшәү рәвеше алып барырга өндәгән  буклетлар өләштеләр.

Бүген Сарай-Чокырча башлангыч мәктәбе укучылары белән “Көзге мәрхәмәтлелек” атнасы кысаларында Бөек Ватан сугышында һәлак булган авылдашларыбыз истәлегенә куелган һәйкәл яны территориясен җыештырдык, чүпләрдән арындырдык.

“Көзге мәрхәмәтлелек атнасы”ның бер көне экологик проблемаларга багышланды. Укучылар елга буйларын, чишмә яннарын чистарту эшендә катнаштылар. “Табигатьне саклау - үзебезне, киләчәгебезне, өебезне саклау” - диләр алар.

Мәктәп яны участогында эш гөрли. Укучылар үзләре үстергән яшелчәләрдән мул уңыш җыеп алдылар.

Балаларны юл йөрү кагыйдәләренә өйрәтү- заманыбызның иң актуаль мәсьәләләренең берсе. «Игътибар, балалар!» айлыгы кысаларында бүген 5 нче сыйныф укучылары экскурсиягә чыкты. Алар мәктәпкә бару юлында урнаштырылган юл билгеләрен карадылар, җәяүлеләрнең юлда йөрү кагыйдәләрен искә төшерделәр, белгәннәрен ныгыттылар.

9 класс укучылары эшче һөнәрләр белән якыннанрак танышу максаты белән, Курса МТСының машина тракторлар паркына барып, хуҗалыкның инженер-механигы Мирзанур Шакировка үзләрен кызыксындырган сорауларын бирделәр, эретеп ябыштыручы , шофер, тракторчылар белән әңгәмә кордылар.

1 нче сыйныф укучылары белән "Мин - җәяүле" темасына сыйныф сәгате узды. Укучыларга юл йөрү кагыйдәләре, яктырткычларның әһәмияте аңлатылды, имин маршрут ачыкланды.

Укучылар белән “Җиңү дәресе” темасына класс сәгате үткәрелде. Укучылар үзләренең фикерләре белән уртаклаштылар, сугышта катнашкан әби-бабаларын искә алдылар.

Бүген 5-6 нчы сыйныф укучылары “Тирәнлек” дип аталган тарихи квестта катнашты. Бу уен Баренц диңгезендә су асты көймәсендә хезмәт иткән, үз гомерләрен куркыныч астына куеп, иптәшләрен коткарган морякларга багышланды. Укучылар төрле конкурсларда катнаштылар, су асты көймәләре, Россия геройлары турында күп информация алдылар. Җиңүчеләр Дипломнар белән бүләкләнде.