Хөрмәтле Бөек Ватан сугышы ветераннары, тыл хезмәтчәннәре, сугыш чоры балалары, район халкы! Сезне Бөек Җиңү көне белән чын күңелдән тәбрик итәбез. Җиргә җитмеш беренче Җиңү язы аяк басты! Сезгә исәнлек-саулык, күңел күтәренкелеге һәм якыннарыгызның җан җылысын тоеп яшәвегезне телибез.

Узген гасырның легендар битләрен

Кабат актарсын да чал тарих,

Дәһшәтле чорларга алып китсен...

Батырларны кабат искә алыйк!

7 нче май көнне мәктәбебезнең барлык укучылары,укытучылары катнашында“Үлемсез полк” акциясе уздырылды. Авылдашларыбыз хөрмәтенә салынган һәйкәл янында узган митингка сугышта һәлак булган бабаларыбызның, туганнарыбызның, авылдашларыбызның фотоларын күтәреп чыктык.

Бүен авылдашлар истәлегенә салынган һәйкәл янында Җиңү көненә багышланган тантаналы митинг булды. Бәйрәмгә тыл ветараннары,сугыш чоры балалары килгән иде. Авылыбызның имам-хатибы Равил хәзрәт сугышта үлеп калган авылдашлар рухына дога кылды. Аннары ветераннарны Арча мәрхәмәтлелек үзәге директоры Котдусов И.Ә., "Курса МТС" ы директоры Гыйләҗетдинов Р.Г., авыл җирлеге башлыгы Вафина Р.Р. бәйрәм белән котладылар, бүләкләр тапшырдылар. Укучылар Җиңү көненә багышлап чыгыш ясадылар һәм һәйкәлгә венок куйдылар. Туган җир өчен башларын салган авылдашлар бер минут тынлык белән искә алынды.

Бүген барлык укучылар колонналарга тезелеп,«Катюша», «День Победы»,"Солдатлар" кебек сугыш чоры җырларын башкардылар, стройда атлап үттеләр.

Җиңү көне! Өлкән буын аны якынайту өчен күпме кан койды! Күп газаплар, кайгы-хәсрәтләр китерде сугыш. Күпме арысландай егетләребез яу кырында ятып калды, күпме сылу кызлар ир назыннан мәхрүм булды. Зур корбаннар бәрабәренә булса да Советлар Союзы Европаны фашизм тырнагыннан коткарып калды.Сугыш кырларында үз-үзләрен аямаган авылдашларыбызны хәзерге буын фотоларда гына күреп белә. "Җиңү язы" акциясе барышында укучылар сугышта булган авылдашларыбызның фотолары белән музейда танышалар.

Мәктәбебезнең 5 нче класс укучылары Гайнуллина Зилә һәм Абдуллин Илсаф Бөтенхалык Җир көненә багышланган "Җиребезне сакла!" дип аталган рәсем конкурсында катнаштылар һәм  грамота белән бүләкләнделәр.(Җитәкчеләре - Сафина Н.Г.) Әлеге конкурс Арчаның хезмәт, халыкны эш белән тәэмин итү һәм социаль яклау оешмасы тарафыннан оештырылды.