Яңа ел бәйрәме якынлашуга, мәктәп тирәсе ел саен кардан ясалган сыннар белән бизәлә. Быел да укучылар һәм укытучылар фантазияләрен эшкә җигеп, төрле әкият геройларыннан матур мәйданчык ясап куйдылар. Молодцы!

Яңа ел бәйрәменә һәр класс укучылары матур итеп уку бүлмәләрен бизәп куйдылар. Чыршыга элү өчен Яңа ел уенчыгы ясау буенча класслар арасында конкурс игълан ителде. Алар Яңа ел чыршысына эленә башлады инде. Нәтиҗәләр бәйрәм көнне ясалачак.

16 нчы декабрь көнне Сабада 2000-2001, 2002 нче елгы һәм аннан яшьрәк егетләр арасында республикакүләм Н.Х.Хамидуллин истәлегенә татарча көрәш буенча ярышлар булып узды. Бу ярышларда мәктәбебез укучылары да  катнашты һәм уңышлы чыгыш ясадылар. 9 нчы класс укучысы  Нурисламов Рәниф 70 кг га кадәр үлчәү авырлыгында 3 нче урынны, Мөхәрләмов Айдар (тренерлары Ахмадеев М.Г.) авыр үлчәүдә 3 нче урынны алдылар.  Алар диплом һәм акчалата приз белән бүләкләнделәр. Афәрин, егетләр!

    Һәркемнең яраткан Яңа ел бәйрәме якынлаша.Яңа елга әзерлек бара. ... Иң күңеллесе шул булды- һәр укучы Яңа елга нинди дә булса һөнәрен күрсәтергә әзер. Бигрәк тә башлангыч класс укучылары зур тырышлык куялар.Безнең Сарай-Чокырча башлангыч мәктәбендә дә укучылар зур түземсезлек белән кышның иң күркәм бәйрәмен түземсезлек белән көтәләр-күмәк көч белән урман гүзәле-Чыршыны бизәп куйдык.Хәтта әзерлек группасына йөргән балалар да читтә калмады,махсус килделәр.

Мәктәптә Яңа ел бәйрәменә әзерлек эшләре башланды. Укучылар классларны, залларны бизәделәр, урамда кардан сыннар да ясый башладылар. 

11 нче декабрь көнне Сеҗе төп гомуми белем мәктәбендә "Ел укытучысы -2017" бәйгесенең зона этабы булып үтте. Әлеге бәйгедә мәктәбебезнең физика укытучысы Шәфигуллин Н.Ф. катнашты, ачык дәрес һәм осталык дәресе үткәрде. 

  9 декабрь Ватан геройлары көне буларак билгеләп үтелә. Бу - Советлар Союзы геройларын, Россия Федерациясе геройларын, Дан һәм Изге Георгий орденнары кавалерларын хөрмәтләү, мәрхүмнәрне искә алу көне. Шушы уңайдан 6 сыйныф укучылары Cоветлар Cоюзы геройлары турында мәгълүматлар табып чыгыш ясадылар.

Истәлекле дата уңаеннан бүген барлык классларда да чаралар үтте. 5 нче класс укучылары ил һәм халык алдында эшләнгән батырлыклары өчен бик күп шәхесләрнең герой исеменә лаек булуларын белделәр. Кемнеңдер гомерен саклап калу максатыннан үзләрен кызганмаган геройлар язмышы укучыларны таң калдырды.