Бүгеннән мәктәптә математика атналыгы башланды. Укучылар өчен кызыклы биремнәр,мәсьәләләр, шигъри табышмаклар, кызыклы фактлар тәкъдим ителде.

Мәктәптә Яңа ел бәйрәменә әзерлек башланды. 1-9 нчы класс укучылары үз кабинетларын матур итеп бизәп куйдылар. Урамда кардан сыннар ясау эше дә төгәлләнү алдында. Кулдан эшләнгән уенчыклар белән залдагы чыршы да бизәлде.

 Ученики 8 класса выполнили Всероссийскую контрольную работу по информационной безопасности. 

5 нче декабрь көнне Сикертән төп гомуми белем мәктәбендә IV районара М.Мәһдиев укулары үтте. Әлеге конкурста 8 нче класс укучысы Гайнуллина Зилә "Мәһдиев әсәрләрен беләсезме?" юнәлешендә  катнашты һәм уңышлы чыгыш ясап, 2 нче урынга лаек булды. Укучыбызны әлеге җиңүе белән котлыйбыз! 

Район күләмендә уздырылган "Шәҗәрәләр - нәсел агачы" конкурсында мәктәпнең 8 нче сыйныф укучысы Бакирова Диләрә катнашты һәм лауреат исеменә лаек булды. (Укытучысы - Юнысова Р.К.) Диләрәне әлеге җиңүе белән котлыйбыз!

Бөтендөнья сәламәтлек оешмасы игълан иткән Бөтендөнья СПИДка каршы көрәш көне – 1 декабрь ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен авыру турында халыкның хәбәрдар булырга тиешлеген  искәртү көне булып тора. Укучыларны кешелеккә наркомания, токсикомания, СПИД кебек афәтләрнең ничек  куркыныч булуын аңлату максатыннан 8-9 нчы класс укучылары белән интеллектуаль уен уздырылды.

 Бүгенге көндә коррупциягә каршы көрәш алып барыла. Чыгарылган законнар, “түгәрәк өстәлләр”, “кайнар элемтәләр” һичшиксез, тормышыбызны бу “чирдән” дәваларга ярдәм итәр дип ышанасы килә. Ришвәтчелек – кешенең сафлыгын, акылын, намусын, оятын, гаиләсен юкка чыгаручы, җәмгыятьнең барлык өлкәләрен дә биләп алган гомуми бәла. Әлеге тема буенча 7 нче сыйныфта “Нәрсә ул коррупция?”исеме астында класс сәгате үткәрелде. Анда балалар актив катнаштылар, күп әйберләрдән хәбәрдар.