Лагерьның соңгы көне бик күңелле үтте. Клуб мөдире Равия апай балаларга "Табигать тиңсез хәзинә" дигән викторина әзерләгән иде. Балалар бик теләп катнаштылар, ахырдан дискотека оештырылды. Шулай ук 22 нче июнь-хәтер көне уңаеннан  әңгәмә узды, балалар шул темага рәсемнәр ясадылар.

Бүген лагеребызның 20 нче көне җәй айларында туган көннәрен уздыручыларга багышланды. Балалар белән табигать кочагына походка чыктык.

Безгә бергә бик рәхәт! Шундый девиз астында бүген кояшкай лагерендә фотосессия булды. Тәмле аштан соң "Минута славы" конкурсында балалар үзләренең осталыкларын күрсәттеләр.

Лагерьнең 18 нче көне. Бүген балалар арасында рәсем конкурсы булып узды, алар Югары Курсада урнашкан китапханәгә сәяхәт кылдылар.

Лагерьнең һәр көне сизелмичә генә бик күңелле үтеп бара. Балалар белән көлке көне уңаеннан кызыклы шаржлар ясадык, колхозның гаражына сәяхәт кылдык. Балаларга Фәрит абый кызыклы һәм эчтәлекле экскурсия үткәрде.

Бүген лагеребезда олимпия уеннары көне. Балалар командаларга бүленеп футбол, пионербол, волейбол һәм үрдәк атыш уеннарында көчләрен сынадылар. 

Бүген балалар белән очрашуга ГИБДД инспекторы кунакка килде. Балалар "Юллар гыйлеме" дип аталган кичэ күрсәттеләр, инспектор белән әңгәмә булып узды. Кичә ахырында инспектор балаларга бүләкләр өләште.

Лагерьнең 13 нче көне. Буген балалар белән сәламәтлек темасына әңгәмә булып узды, 2 командага бүленеп футбол уйналды, тәмле һәм файдалы ризык ашаганнан соң "Мин сәламәт яшәу рәвеше яклы" дигән рәсем конкурсы уздырылды. 

Лагерьның 12 нче көне Россия көненә туры килде. Иртәбез флаг күтәру, иртәнге зарядка белән башланып китте һәм туган якка экскурсия белән дәвам итте. Көн ахырында барлык балалар да шарлар белән бүләкләнде.