16 марта 2014 г. состоялся референдум о статусе Крыма. 17 марта 2014 г. после референдума была провозглашена Республика Крым. 18 марта 2014 г. Президент Российской Федерации В.В. Путин подписал межгосударственный Договор о принятии Крыма и Севастополя в состав Российской Федерации, в соответствии с которым в составе России образуются два новых субъекта – Республика Крым и город федерального значения Севастополь. Это событие имеет огромное значение в новейшей истории России. Ученики 8 класса с интересом включились в беседу на эту тему, познакомились с историей Крыма,  посмотрели презентацию «Крым и Россия: «Мы вместе» и видеоролики, читали стихи о Крыме, удивились красоте исторических мест и природы Крыма.

8 нче сыйныфта Туган телләр һәм халыклар бердәмлеге елына багышланган "Көйне тап" уены узды. Әлеге уен барышында укучылар халык уен коралларын искә төшерделәр, татар халык җырларын танып белделәр. Халык җырларының халкыбыз тарихында тоткан урынын билгеләделәр.

9 нчы сыйныф укучылары белән «Без наркотикларга каршы» дигән темага багышланган сыйныф сәгате үткәрелде. Тере табигатькә нигезләп балаларга тормышның матурлыгын, яшәүнең ямьлелеген, кошлар сайравында, сулар агышында, чәчәкләрнең матурлыгында икәнен аңлатырга тырыштык. Наркотикларның зарары, аны кулланучыларның шушы матурлыкны күрә, тоя алмаулары турында әңгәмә кордык, укучылар үзләренең фикерләре белән бүлештеләр.

Халык авыз иҗатында табышмаклар аерым урын тота. Алар баланың зиһенен баетуда, акыл сәләтен үстерүдә, уйлау-фикерләвен тирәнәйтүдә зур әһәмияткә ия. "Отканга - мәкаль, тапкырга - табышмак" дигән әйтем әнә шуңа ишарә. Табышмак үзенең тел байлыгы ягыннан  шигъри мәктәп булып тора. Табышмаклар турындагы белемнәрне ныгыту, тирәнәйтү; укучыларның сөйләм телен, логик фикерләү дәрәҗәсен үстерү; халык авыз иҗатына  карата мәхәббәт, соклану хисе тәрбияләү  максатыннан 1 нче сыйныфта табышмаклар кичәсе үтте. Укучылар төрле темага табышмаклар чиштеләр, үзләре дә җәнлекләр, үсемлекләр турында табышмаклар уйладылар.

Татар халкы элек-электән яңа туган сабыйга исем кушуга зур җаваплылык белән караган. Исеме җисеменә туры килә торган матур эчтәлекле, аһәңле, җиңел һәм анык әйтелешле исемнәр бирергә тырышкан. Күркәм исемнәребез күп булганга, һәрбер ата-ана шулар арасыннан үзенә ошаганын, күңеленә хуш килгәнен, әлбәттә, заман таләпләренә җавап бирә торганын сайлый алган.

 Балага исем кушу- җиңел эш түгел. Чөнки исем кешегә бер генә мәртәбә бирелә һәм ул аның гомерлек юлдашына әверелә.

Балаларда татар милләтенең йолалары, традицияләренә карата кызыксыну уяту, милли йолалар турында белемнәрен киңәйтү максатыннан 8 нче класс укучылары белән “Исем кушу йоласы” дигән класстан тыш чара үтте.

”Исем –ул синең тормышың, юлыңнан күтәреп барган үз байрагың”. Бу сүзләрне беркайчан да онытмагыз!Үз исемегезне горур йөртегез, аңа тап төшермәгез!

6нчы сыйныфта «Шәфкатьлелек бизи кешене» исемле класс сәгате булып узды. Укучылар шушы олы сүзнең синонимнары, антонимнары белән таныштылар, шәфкатьлелек турында мәкальләрне искә төшерделәр.

6 нчы сыйныфта Халыкара наркоманиягә каршы көрәш көне уңаеннан әңгәмә булып узды. Укучылар наркоманиянең нәрсә икәнен искә төшерделәр, шушы юлга илтүче мөмкин булган сәбәпләр турында сөйләштеләр.

Бакиров Рөстәм Хәбибулла улы 1935 елның 15 июлендә Арча районы Урта Курса авылында игенче гаиләсендә туа. 1943 елда Югары Курса җидееллык мәктәбенең беренче сыйныфына укырга керә. 1950 елда мәктәпне уңышлы тәмамлап, укуын Сеҗе урта мәктәбендә дәвам итә. 1953 елда Казан Дәүләт педагогия институтының физика-математика факультетына укырга керә. 1958 нче елда Арча районы Казанбаш урта мәктәбенә физика һәм электротехника укытучысы булып эшкә кайта. Шушы чорда республика һәм район газеталарында мәкаләләре басыла башлый.

1961 елда Югары Курса сигезьеллык мәктәбенә физика-математика укытучысы итеп билгеләнә. Шушы чорда тырыш хезмәтләре өчен күп санлы Мактау грамоталары белән бүләкләнә, районның Мактау тактасына кертелә. 25 ел дәвамында укытучы, укыту-тәрбия эшләре буенча директор урынбасары, мәктәп директоры булып эшли. Ул елларда ук үзенең эш тәҗрибәсе белән теләп уртаклаша, төрле газеталарда 100 дән артык мәкаләләре басылып чыга.

         1982 елда Бакировлар гаиләсе Казан шәһәренә күченә. Рөстәм Бакиров “Медфизприбор” фәнни тикшеренү берләшмәсендә инженер-метролог, ә аннан соң бүлек җитәкчесе булып эшли. Рөстәм абый иҗат эшен көчәйтә, бер-бер артлы китаплары дөнья күрә. “Уеннан уймак”, “Кадерле бүләк”, “Бәхетле балачак”, “Бүректәге чеби” дип исемләнгән китаплары чыга.

Рөстәм Хәбибулла улына хезмәттәге уңышлары өчен Татарстан Республикасының мактаулы исемнәре бирелә: хезмәт ветераны, Татарстан Республикасының Мактау грамотасы, “Казанның 1000 еллыгы истәлегенә” медале һәм бик күп мактау кәгазьләре.

            Бакиров Рөстәм Хәбибулла улы 1996 елдан лаеклы ялда иде. Казан шәһәрендә улы, килене, оныклары янәшәсендә бәхетле картлык кичерде.

Авылдашыбыз, мәктәбебезнең элекке директоры, бик күп хикәяләр авторы Рөстәм Хәбибулла улы Бакировның якты истәлеге безнең күңелләрдә мәңге сакланыр.

8 нче март көнне мәктәбебезнең спорт мәйданчыгында укытучы Хөснетдинов Ленар Илфат улы истәлегенә итекле футбол ярышлары үткәрелде.

Ленар Илфатович 1994 нче елда үзе белем алган Урта Курса урта мәктәбенә география, химия укытучысы булып эшкә кайта. Биредә ул 2010 нчы елга кадәр эшли. Элеккеге коллегалары, укытучылары, укучылары, сыйныфташлары, авыл халкы күңелендә  искиткеч кеше булып саклана ул.

Аның истәлегенә оештырылган спорт бәйрәменә дә халык шактый җыелган иде. Чараны оештыруда ярдәм күрсәткән “Курса МТС”ы хуҗалыгы җитәкчесе Р.Р. Гыйлаҗетдинов, авыл җирлеге башлыгы Р.Р.Вафина, мәктәп директоры Р.Р.Яруллин да Ленар Илфатовичны җылы сүзләр белән искә алдылар  һәм командаларга уңышлар теләделәр.

Командалар да сынатмады. Авыл җирлегенә кергән алты авылдан җыелган яшьләр әлеге ярышны уздыруда үзләре башлап йөрде. Беренче урында - Алан авылы яшьләре командасы, икенче урында - Сарай-Чокырча авылы яшьләре, өченче урында - Югары Курса яшьләре командасы, ә дүртенче урында - мәктәбебез укытучылары. Командалар кубок һәм акчалата бүләккә ия булды.

Хөснетдинов Ленар Илфат улы истәлегенә узган ярышны  оештырыруда хезмәте кергән һәммә кешегә, иганәчеләргә зур рәхмәтебезне җиткерәбез.