18 апрель көнне 9 нчы класс укучысы Салихова Адилә Р.Вәлиеваның "Толымнарың" шигыре белән,  Арча  шәһәрендә  "Илнең,  җирнең,  тыныч  көннең  кадерен  белеп,  җырлап   яшик!"    девизы  астында  узган   гала  концертта   чыгыш  ясап, "Әдәби музыка сәнгате" номинациясендә  лауреат исеменә лаек булды. Адиләнең чыгышы  тамашачылар  һәм   район    башлыгы   Нуриев   И.Г.   тарафыннан    югары  бәяләнде. Адиләне бу зур уңышы белән котлыйбыз!!!

Безнең бүлмәбездә бик күп,

Матур - матур гөлләр.

Гел карап торганга күрә,

Гөрләп үсәләр алар.

Яратып торырга кирәк,

Сындармаска аларны.

Төпләрен йомшартырга,

Су сибәргә - аннары.

   Табигать никадәр генә көйсезләнсә дә, үзенекен итә: яуган кар эреп бетеп бара, ә аның астындагы чүпләр янәдән баш калкыта. 2015 елның 1 апреленнән Татарстанда санитар-экологик икеайлык башланды. Торак җиребезнең төзеклеге, чисталыгы өчен кайгырту ул ел да игълан ителә торган шушы айлык барышында гына булырга тиеш түгел. Экология безнең һәркайсыбыздан көндәлек игътибар сорый. Ә айлык барышында ел буе башкарган эшләребезгә җавап тотабыз.Яшәгән авылларыбыз, урамнарыбыз, мәктәп яннары төзек тә, чиста һәм матур да булсын. Матур җирдә күңелләр дә матур була. Әнә шуны истә тотып, мәктәбебез укучылары, укытучылар 18 нчы апрель көнне мәктәп ишегалдына өмәгә чыктылар. Бу эштән беребез дә читтә калмадык.

   17 нче апрельдә “Казан арты” тарих-этнография музеенда “Моңлы сазым” әдәби - музыкаль кичәсе узды. Кичәгә бөек шагыйрь Габдулла Тукай иҗаты, татар әдәбияты, мәдәнияты белән кызыксынучылар килде. Безнең мәктәптән Идиятов Ядкәр Хәлим улы  Г.Тукайның “Театр” дигән шигыре белән чыгыш ясап,  дипломга лаек булды.  Аңа киләчәктә уңышлар телибез.

   Заманча стандартларның мәктәп баласына заманча таләбе: бала шәхесен игътибар үзәгенә кую. Ул белем бирүнең нәтиҗәлелегенә йөз тота – укучы конкрет дисциплиналар буенча белем алып кына калмый, ә аларны көндәлек тормышта, алга таба укуында файдаланырга да өйрәнә. Яңа стандартлар таләп иткәнчә, һәр бала мәктәпне тәмамлаганда үз проектын якларга тиеш. 17апрель көнне мәктәбебездә 4 нче сыйныф укучылары үзләренең предметара нәтиҗәле эшләрен күрсәтү максатыннан, ”Җир турында без нәрсә беләбез?” дигән проект эше эшләделәр. Әлеге эшчәнлек барышында укучылар коллективта эшли белүләрен, үзләреңә бирелгән эшкә җаваплы карауларын, төрле чыганаклардан үзләрен кызыксындырган сорауларга җавап таба алуларын күрсәттеләр.

     15 нче апрель көнне Россиянең иң зур фәнни уку-укыту комплексларыннан берсе булган Казан федераль университетының тарихи бинасында регионара предмет олимпиадаларының җиңүчеләрен һәм призерларын бүләкләү тантанасы узды.Укучыларны университет бинасы белән таныштырдылар  һәм химия, физика, тарих музейларына экскурсия оештырдылар.  Күренекле галимнәр  белем биргән Университет залларыннан үтү,  җиңүчеләрне тәбрикләү тантанасына катнашу күңелләрдә зур тәэсир калдырды. Тантаналы чарада җиңүчеләрне уку йортының җитәкчеләре һәм галимнәре тәбрикләде. Мәктәбебезнең 9 нчы сыйныф укучысы  Солтанова Илүзә Рамил кызы  татар теленнән җиңүче булып  III  дәрәҗә диплом белән бүләкләнде.  Аны чын күңелебездән тәбрик итәбез!

     12 нче апрельдә  якташ  шагыйрәбез  Заһирә Гомәровага 85 яшь тулды. Шагыйрәне искә алу максатыннан, 15 нче апрельдә  Гөберчәк мәдәният йортында “Заяга узмаган гомер” дип аталган әдәби кичә үткәрелде. Бәйрәм кичәсен М. Мәһдиев исемендәге музей җитәкчесе Халидә Габидуллина  ачып җибәрде. Ул укучыларны, килгән кунакларны  Заһирә Гомәрованың тормыш юлы, иҗаты белән таныштырды.Укучылар шагыйрәнең шигырьләрен яттан сөйләделәр. Бәйрәмгә Чөмә-Елга авылында яшәп иҗат итүче шагыйрә Фирдия апа Гафиятова да килгән иде.Ул үзенең балалар өчен, табигать, әти-әниләргә багышланган шигырьләре белән таныштырды, укучыларга үзенең төпле киңәшләрен бирде. Кичә  табын янында дәвам итте, Фирдия апа Гафиятова укучыларга, килгән кунакларга бүләкләр дә  тапшырды. Бәйрәм кичәсе һәркемнең күңеленә хуш килде.

Бик тырышып укыйбыз,

Тик барыбер армыйбыз.

Дәрестән соң җыелып,

Без волейбол уйныйбыз.

Оста куллар түгәрәген,

Барыбыз яратабыз.

Күп һөнәрләргә өйрәтә,

Безне Ләйсән апабыз.

Матур чәчәкләр ясыйбыз,

Кәгазьдән һәм сәйләннән.

Һәрбер дәрес безнең өчен,

Күңеллерәк бәйрәмнән.

   День космонавтики — любимый праздник всех поколений. Впервые его отпраздновали ровно через год после покорения космоса — 12 апреля 1962 года. Увековечить день перевернувшего человеческое сознание события предложил Герман Титов — летчик-космонавт, являющийся дублером Юрия Гагарина — первого космонавта, навечно вписанного в мировую историю. Уже в 1968 году праздник получил мировое признание и обрел приставку «Всемирный». Сегодня в нашей школе прошел урок космонавтики для 5 - 8 классов. Учащиеся посмотрели видеофильм "Первый полет в космос", была проведена беседа по просмотренному фильму, затем школьники проверили  свои знания с помощью онлайн - теста.