7 апрель - Бөтендөнья сәламәтлек көне уңаеннан, көнебез иртәнге зарядкадан башланды һәм физик тәрбия дәресләре дә сәламәтлек көненә багышланды. 

Сау - сәламәт булып үсү,

Барыбызның уенда.

Шуңа күрә онытмыйбыз,

Сәламәтлек көнен дә.

   "ТатарТеле.ИНФО" проекты кысаларында татар теле фәне буенча үткәрелгән  халыкара дистанцион олимпиадада мәктәбебезнең башлангыч класс укучылары актив катнашып, дипломнар һәм катнашучы шаһәдатнәмәләренә ия булдылар.

   8 нче класс укучысы Сәгыйдуллина Зөһрә  Бөек Җиңүнең 70 еллыгына багышланган Муса Җәлил исемендәге III республика фәнни-гамәли  конференциясендә катнашып, « Сугыш чоры балалары һәм аларның тормышы» юнәлешендә эзләнү эше башкарып, грамотага ия булды. (Җитәкчесе Ч.Р.Сәгыйдуллина)

    Курса Почмак урта мәктәбендә " Ак Барс Агрокомплексы"  директоры Сәлахов Шәйдулла Имам улы призына татарча көрәш бәйгесе үткәрелде. Әлеге бәйгедә безнең мәктәп укучылары да бил алышып, шактый гына уңышларга ирештеләр: Кәримов Инсаф, 25 кг авырлыгында - 1 нче урын, Габидуллин Динис,  60 кг авырлыгында - 2 нче урын, Кәримов Булат, 50 кг авырлыгында - 3 нче урын ( җитәкчеләре тренер- укытучы Әхмәдиев М.Г.). Укучыларны уңышлары белән котлыйбыз.

      На основании приказа МО и НРТ №2038/15 от 26.03.2015 года и на основании приказа МУ "Управление образования" от 1.04.15 с целью повышения эффективности профилактических медицинских осмотров обучающихся в общеобразовательных организациях в возрасте от 13 до 18 лет обучащиеся 7 -9 классов нашей школы прошли социально - психологическое тестирование.

       Яз көне бөтен табигать җанлана, яңадан туа. Кояш яктырак һәм күңеллерәк карый башлый, йомшак җил иркәли, өлгереп җитмәгән чирәм өлгерә, агачларның бөреләре бүртә. Күчмә кошлар туган якларына әйләнеп кайталар.
       Шул уңайдан 2 нче  апрельдә “Кошлар кемнәрнең дусты?” темасына класс сәгате уздырдылар. Кошларның кемнәргә ярдәме зуррак? соравына җавап эзләделәр.Кошлар турында яңа мәгълүматлар таптылар, кошлар тормышыннан кызыклы вакыйгалар  белән таныштылар. Язучылар иҗатында кошларга күзәтү ясадылар. Дәрестә балалар үз күзәтүләре, белемнәре, фикерләре  белән уртаклаштылар. Дәрес ахырында  “Кошлар  -  безнең дусларыбыз. Кошлар  безгә ярдәм итә, без аларга кирәк.” – дигән нәтиҗәгә килделәр.Кошлар -  табигатебезнең алыштыргысыз бизәге. Аларны саклыйк һәм яклыйк!

Кояш нурын сипте җир өстенә,

Исте йомшак җылы җилләре.

Кошлар кайта: сагындырган

Туган – үскән җилләре.

     1 апрель - Халыкара кошлар көне уңаеннан, "Каурый каләм" түгәрәге әгъзалары ачык чара үткәрде. Чара барышында табышмакларга җаваплар табылды, кош тавышларын таныдылар, безнең якны сагынып кайтучы кошларның исемнәрен атадылар.

Ерак юллардан кайтканнар,

Арганнар, алҗыганнар.

Кайтышларына балалар,

Өйләр ясап куйганнар.

Рәхмәт әйтеп алар безгә,

Матур җырлар сузарлар.

Җәй буена бакчаларны,

Бөҗәкләрдән сакларлар.

Хуш киләсез, әйдә кошлар,

Безнең канатлы дуслар.

   Урта Курса мәдәният йортында Кесмәс буе үзешчәннәренең иҗат концерты булды. Мәктәбебезнең биюче кызлары "Илнең, җирнең, тыныч көннең кадерен белеп, җырлап яшик!" девизы астында уздырылган иҗат концертында катнаштылар.

      Мәктәбебезнең 9 нчы сыйныф укучысы Сәлихова Адилә Казан шәһәрендә узган  Каюм  Насыйри  исемендәге  XIII регионара яшүсмерләрнең фәнни – тикшеренү укулары конкурсында катнашып, беренче турда җиңүгә иреште һәм  грамота белән бүләкләнде. Ул “Әдәби әсәрләрдә авылым тарихы” темасы астында чыгыш ясады. Җитәкчесе югары категорияле география укытучысы Ч.Р. Сәгыйдуллина.