Лагерьның һәр көне җанлы, мавыктыргыч чаралар белән үрелеп бара. Бүгенге көн – Нептун көне буларак билгеләп үтелде. Практикант абыйлары һәм вожатыйлар белән берлектә күңелле уеннар үткәрелде.

Һәр көнне гаҗәп тамаша,

Көн дә кызык уйлыйбыз.

Әйдәгез, Нептун көненә –

Су сибешеп уйныйбыз!

     Лагерь эшчәнлегендә  түгәрәкләр дә зур роль уйный. Балалар бик кызыксынып йөриләр бу түгәрәкләргә. Бүген  балалар “Учимся русскому языку играя” түгәрәгендә шөгыльләнделәр. (Җитәкчеләре: Хөсәенова Г.М., Кәримова Л.Г.)

“Мы  - школьники”, “В мире книг” темалары астында үткәрелгән мавыктыргыч чараларда балалар рус телен кызыклы уен элементлары аша  өйрәнделәр, мәктәптә алган белемнәрен баеттылар, рус теленең серле сүзләр дөньясына сәяхәт иттеләр.

Татарча да яхшы бел,

Русча да яхшы бел.

Икесе дә безнең өчен

Иң кирәкле, татлы тел!

    Табигать - ул безнең йортыбыз. Без табигатьтән башка яши алмыймыбыз. Бүгенге көнебез табигатьне саклауга багышланды. Шул турыда эчтәлекле презентация, “Табигать - безнең дустыбыз” дигән мультфильм карадык.

Һәркем өлеш кертсә иде

Табигатьне саклауга.

Саклыйк без Җир-Анабызны.

Мохтаҗ бит ул яклауга.

Чисталыкны яратучы - Юындыр мин,

Сезгә килдем, барыгызны юындырам.

Юынмаган балаларны яратмыйм мин,

Юындырып барыгызны куандырам.

   "Дуслык" лагере ачылышы уңаеннан бәйрәм концерты булды. Балалар рәхәтләнеп күңел ачтылар, бәйрәм иттеләр.

Иң кыюлар, җитезләр без!

Йөзләрдә уйный шатлык.

Кайтасы да килми синнән,

Бертугандай дуслаштык!

    Кеше җир йөзендә бер тапкыр гына яши. Безгә үзебезнең гомеребезнең кадерен белеп, сау-сәламәт булып яшәргә кирәк. Сәламәт кеше тормышны ярата. Әгәр кеше табигать биргән табиблардан – кояш яктысын, саф һаваны, чиста суны, физик күнегүләрне, ялны дөрес файдаланса, ул бер дә авырмас. Бүгенге көнебез нәкъ менә шуңа багышлана.

\

Без сузылып җиргә яттык,

Җир - безнең якыныбыз.

Өстән кояш та кыздыра,

Саф һаваны сулыйбыз.

    Мәктәбебездә бүген күңелле тормыш башланды. "Дуслык" исемендәге ял һәм сәламәтләндерү лагере 20 бала өчен үзенең ишекләрен ачты. Балаларның 21 көн яллары күңелле һәм файдалы үтсен өчен әйдаманнар һәм практикант егетебез Зөлфәт барысын да эшләрләр.

Исәнмесез безнең шаян дуслар

Хуш киләсез, рәхим итегез,

Балаларны яклау көне белән

Тәбрикләргә рөхсәт итегез!

Кояшның да бүген йомшак нуры

Безне бире сөеп китерде.

Тату, акыллы, сәламәт булып

Үсик әле гөлләр шикелле.

            "  Кесмәс" елгасы буенда походта

               Башлангыч сыйныф укучыларының йөзләрендәге елмаю нидән дисезме? Алар бүген походка чыктылар һәм балык тоту ярышында җиңеп чыкканнар, хәтта Сафин Илназ белән Ибәтуллин Ирек 38 балык тотканнар. Укытучы апалары пешергән уханың тәмлелеген  әйтеп тә торасы юк!

                Онытылмас мизгелләр.

         5 - 7 класс укучылары  бүген походта. Разил абыйлары оештырган күңелле спорт ярышларыннан соң, әти- әни төйнәп җибәргән "тәмнүшкәләр " аеруча тәмле. Баш күтәрергә дә вакытлары юк, "тырышып" ашыйлар.