Менә карлы, буранлы, салкын кыш узып та бара, яз сулышы көннән-көн ныграк сизелә. Башлангыч класс укучылары һәм укытучылар коллективы Кышны озату бәйрәмендә бердәм катнаштылар. Балалар ярыш-уеннардаүзләренең көчен сынадылар, ботка һәм кайнар коймак, беленнәр, төрле күчтәнәчләр белән сыйландылар. Әби-бабайлардан калган гореф-гадәтләрне хөрмәтләү  балалар өчен күркәм тәрбия чарасы булып хезмәт итә.

20 март көнне  Шушмабаш  урта мәктәбендә башлангыч класс укытучыларының  районара  семинары булып узды. Семинар кысаларында  һәр укытучы ачык дәрес  күрсәтте. Кунакларга мәктәп буенча сәяхәт үткәрелде,  коридорда күргәзмә,  класс сәгате, мастер-класс оештырылды. 2 класс укучылары тарафыннан  “Театр елына” багышлап күрсәтелгән сәхнә әсәре кунакларны таң калдырды. Семинар ахырындагы түгәрәк өстәлдә дәресләргә анализ ясалды, район методисты Гиндуллина Г.М. семинарның  эшен югары бәяләде, укытучыларга сертификат, мәктәп коллективына рәхмәт хаты тапшырылды.  

Мәктәбебездә “Ялкын”журналы хезмәткәрләре белән ”Ялкынлы”очрашу” үткәрелде.Чара мавыктыргыч һәм бик файдалы узды.Безгә шундый бәйрәм оештырганнары өчен журналның җаваплы сәркатибе Айгөл Абдрахманова һәм бүлек мөхәррире Зилә Сабитовага  рәхмәтебезне белдерәбез. 

16 нчы март көнне  5-7 сыйныфлар өчен “Зур сугышның кечкенә геройлары” дип исемләнгән класс сәгате узды. Чара  Бөек Ватан сугышы елларында батырлыклар күрсәткән герой-пионерларга багышланган иде.

Бүген мәктәбебездә Габдулла Тукай исемендәге Әтнә авыл хуҗалыгы техникумы вәкилләре 9 класс укучыларын уку йорты белән таныштырды. Укучыларны Ачык ишекләр көненә чакырып калдылар.  Укучыларда бик нык кызыксыну уянды.  

12-14 март көннәрне 5-8 класс укучыларына, татар теле атналыгы уңаеннан "Хикмәтләр дөньясы" дигән татарча кинофильмнар карау оештырылды. Кинофильмнар тормыштан алынган һәм бик мәгънави иде.

Бүген безнең мәктәп командасы районда "Зарница" уеннарында 2 нче призлы урынга лаек булды. Молодцы егетләр һәм кызлар!