Акция "Россия без табака" Шушмабаш урта мәктәбенең "SMAK"  Самостоятельные дети отряды авылның халык күп йөри торган урыннарында булып, агитация үткәреп кайттылар. Сәламәт булыйк!

Бүген лагерьның унбишенче көне .Экологик тәрбия бирү атнасы атнасы кысаларында лагерыбызда бүгенге көн “ Табигатьне яратабыз” дип исемләнгән иде. Экология  темасына Фәридә Марселевна  балаларга “Тамчы-шоу” үткәрде. Ике командага бүленеп ярышучы балалар табигать кә багышланган куп кенә сорауларга җаваплар эзләделәр.

Шушмабашның чишмәләрен барлап, исемнәрен атап “Чишмә суы – тәнгә дәва” дигән девиз астында  чишмәләрне чистарту акциясендә актив катнаштык. Көнебез бик файдалы үтте.

Лагерьда бүген экологик тәрбия бирү атнасы кысаларында “Сәяхәтләр көне”игълан ителде.Иртәнге зарядка ясап,ашханәдә тәмле ашлар ашап алгач,план буенча авылның төрле урыннарына экскурсия оештырылды. Көннең икенче яртысында “Кунакта үзеңне ничек тотарга” дип исемләнгән уен-дәрес үткәрелде. 

Бүген лагерыбызда көнебез “Уйныйбыз да, җырлыйбыз” дип исемләнгән иде. Тәмле ашлардан соң без отрядларга бүленеп кәгазьдән кисеп,ябыштырып бик матур “Арыслан” ясадык.  Арысланларыбыз үзебез кебек төрле-төрле килеп чыктылар.Эшләгән эшләребезне күреп бик сөендек. Кечкенәләр пластилиннан “Хайваннар дөньясында” дигән темага төрле йорт,кыргый хайваннар әвәләделәр. Эшләгән эшләребездән күргәзмә ясап куйдык. Саф һавада татар халкының җырлы-биюле милли  “Наза”,”Йөзек салыш” уеннарын уйнадык.

Бүген лагерьда зур бәйрәм Россия көне!Иртән барыбыз да лагерьга җыйналып,иртәнге зарядка ясап,тәмле ашлар ашап,тәрбия сәгатенә ашыктык. Гүзәл Наилевна безгә Россия дәүләте турында күп мәгълүматлы презентация ярдәмендә тәрбия сәгате үткәрде. Шулай ук мәктәп каршында асфальтта Россия көненә багышлап төсле бурлар белән рәсемнәр ясадык. Көннең икенче яртысында саф һавада уеннар уйнадык. Көнебез сизелми үтеп китте.

Бүген иртән барыбызда лагерьга килдек,иртәнге зарядкадан сон, тәмле,файдалы ботка ашадык. Гөльшат Ринатовна, Лилия Мөдәрисовна оригами технологиясе белән “Песи”  ясаттылар.Балалар нәни куллары белән тырыша-тырыша ясаган төрле төстәге песиләрдән күргәзмә ясадылар.  Кул эшләрен тәмамлап бетергәч,кармакларны алып Шушма елга буена балык тотарга киттек. Бүген бездә “Балыкчылар көне” булды. “Иң күп балык тотучы”- Багаветдинов Рүзәл  , “Иң зур балык тотучы”- Сунгатуллина Зәлидә.

“Күбәләкләр” мәктәп яны җәйге балаларны сәламәтләндерү лагеренең бүген унынчы көне. Бүгенге “Дуслар җыелган җирдә” дип аталган  көнебездә җәйге табигатькә сәяхәт ясадык. 1 отряд “Җиләкләр” Арча шәһәренә,2отряд  “Карлыганнар” авылның җәйге табигатенә экскурсиягә бардылар. Көннең икенче яртысында “Әкияләр илендә”дип исемләнгән уен-викторина булды.

Лагерьның тугызынчы көне “Күңелле ял итәбез!” дип исемләнде. Бүген авылларда Сабантуйлар. Без үзебезнең әти-әниләребез,туганнарыбыз белән  бу бәйрәмнәрдә күңелле итеп ял иттек,уеннарда катнаштык,җырладык,биедек.Көнебез бик күнелле утте.

Бүген  лагерьда сәяхәтләр көне. Без Шушма елгасы буйлап сәяхәткә бардык. Чишмәләр белән таныштык, аның саф суларын эчтек,тәннәребезгә шифа алдык. Елга буенда суларга кереп чәчрәтеп уйнадык. Бик куңелле һәм рәхәт булды.

Иртән барыбыз да лагерьга җыйналдык. Иртәнге зарядка ясадык,тәмле ашлар ашадык.Бүгенге көнебез “Көчлеләр,җитезләр” дип аталды. Мәктәп яны спорт мәйданчыгында “Күңелле стартлар”уенында катнашып,сәламәтлекләребезне ныгыттык. Дәртле,матур көй астында флешмоб биедек.

•      Көннең икенче яртысында Арча районынының ГАИ начальнигы Хузин Р.Р. Белән очрашу булды. Юлда йөргәндә үзеңне ничек тотарга кирәклеге аңлатылды. Велосипедларда йөргәндә кагыйдәләр искә төшерелде. Балалар күп сорауларга җаваплар ишеттеләр. Очрашу ахырында кунагыбыз балаларга киемнәргә беркетә торган яктырткыч значоклар һәм блокнот бүләк итте.