18 апрель көнне Казанда 16-18 яшьлек егетләр һәм кызлар командалары арасында автоузыш буенча республика конкурсы узды. Ярышларда Татарстанның 32 шәһәреннән һәм районыннан 32 команда составында 100дән артык Яшь автомобильче катнашты.

     Конкурсны оештыручылар - Министерство образования и науки Республики Татарстан, УГИБДД МВД по Республике Татарстан, ГБУ «Безопасность дорожного движения», ТРО ОО «Всероссийское общество автомобилистов», ЧОУ ДПО «Детская юношеская автомобильная школа», РОГО «ДОСААФ Республики Татарстан».  Ярышлар шәхси һәм команда зачетларында узды. Катнашучылар юл хәрәкәте кагыйдәләрен белүләрен һәм авыр күнегүләрне үтәгән вакытта  җиңел автомобиль белән идарә итүнең гамәли күнекмәләрен күрсәттеләр.

     Командалар арасында беренче урынны «Балалар яшүсмерләр автомобиль мәктәбе» (Казан шәһәре), икенче урынны - «Балалар яшүсмерләр автомобиль мәктәбе» Чистай филиалы яулады, өченче урынны -  Арча районыннан ДОСААФ вәкилләре яулады. Ә алар – безнең Шушмабаш урта мәктәбебезнең  “Автодело” түгәрәге җитәкчесе һәм технология укытучысы  Шаймарданов Әнис Равилевич җитәкчелегендә 10 класс укучылары – Сафин Марат, Степанова Алинә һәм 11 класс укучысы – Хадиев Илгиз иделәр. Чын күңелебездән аларны зур җиңүләре белән котлыйбыз һәм горурланабыз.

    Җиңүчеләребез дипломнар һәм кыйммәтле бүләкләр белән бүләкләнделәр.

   Бүген укучыларыбыз Арча педагогия көллияте үткәргән "Фән һәм без" муниципаль  фәнни-гамәли конференциясендә уңышлы чыгыш ясадылар: 10 класс укучысы Набиев Д. -1 урын, 8 класс укучылары Сагдуллин А. һәм Шакиров Р .-2 урын, 7 класс укучысы Фаттахова А. -2 урын, 8 класс укучысы Файзрахманова Г.  -3 урынны алып кайттылар.Конференциядә җиңүче укучыларны һәм аларның  фәнни җитәкчеләрен уңышлары белән котлыйбыз!

     Дүшәмбе көн , дәресләр тәмамлангач, гадәттәгечә   укытучылар катнашында планерка үткәрелде. Атна дәвамында узган эшләргә анализ ясалды,ОГЭ һәм ЕГЭ эшләре буенча нәтиҗәләр ясалды, бу атнага планнар, чаралар планлаштырылды.

13 апрель көнне Алабуга шәһәрендә  “Безнең мирас” региональ фәнни-практик конференциясе уздырылды. Мәктәбебезнең 3 класс укучысы Самигуллина Иркә әлеге конференциядә  1 урынга лаек булды. Афәрин, Иркә! Киләчәктә дә уңышлар юлдаш булсын!

12 апрель -Космонавтика көне уңаеннан барлык классларда да класс сәгатьләре узды. Укучылар галәмгә беренче булып юл ачкан тарихи вакыйганы, легендар Юрий Гагаринны искә алдылар, аның горур очышын күзәттеләр.

  Космонавтика көне уңаеннан һәм укучыларның талантларын ачыклау максатыннан иҗади почмакта яңа күргәзмә урнаштырылды.Укучылар галәм киңлекләрен, космосны сурәтләделәр.Афәрин , егетләр һәм кызлар!!!

         Экологик икеайлык кысаларында мәктәптә өмә үткәрелде  Мәктәбебезнең   хезмәткәрләре кар тарату эшенә ныклап керештеләр.

   Бүген Шушмабаш урта мәктәбендә хокук бозуларны кисәтүнең киңәйтелгән утырышы булды. Утырышта Россия ОМВД ның Арча районы буенча ПДН инспекторы полиция капитаны Усманова Э.С. һәм балигъ булмаган яшүсмерләрнең хокук бозуларын кисәтү буенча әйдәп баручы белгече  Диарова Р.Г. катнашты. Көн тәртибендә Шушмабаш мәктәбенең хокук бозуларны  кисәтү буенча эшчәнлегенә анализ ясалды, класс җитәкчеләре тарафыннан класстагы   авыр үзләштерүче балалар,   кыен гаиләләр, тәртибе һәм үз үзен тотышында проблемалы укучылар турында информация бирелде, борчыган мәсьәләләр уртага салып сөйләшенде. Кунаклар укучылар белән профилактик әңгәмә үткәрделәр, укучыларның сорауларына җавап бирделәр. Очрашу эшлекле һәм файдалы узды.