Мәктәбебездә Яңа ел рухы хөкем сөрә. Ямь өстенә ямь өстәп укучылар Арча районы администрациясе бүләкләре белән бүләкләнделәр. 

 Мәктәптә Яңа ел фотозоналары эшли башлады. Башлангыч класслар зәвыклы, искиткеч матур фотозоналарына теләүчеләрне фотога төшәргә чакырып кала.

Профсозлар арасында суда йөзү буенча ярышларда мәктәбебез укытучылары яхшы нәтиҗәләр алып кайтты.  Файзрахманова Г.И. - 3урын, Самигуллин Ф.Ф.-2 урын. Эстафетада -3 урын. Афәрин. 

    5-7 класслар табигать фәннәре атналыгы кысаларында мини - проект эшләре яклады. "Матур гөлләр үстерик!" дип исемләнгән  ачык чарада укучылар өйдә үсә торган гөлләр турында информация бирделәр, аларны карау-тәрбияләү серләре белән уртаклаштылар, матур фотографияләр  тәкъдим иттеләр.

   "Биология һәм имтихан" исеме астында 9-11 класслар өчен ачык түгәрәк занятиесе булды. Гомуми биология курсының төп темалары буенча чыгышлар ясалды, һәр тема ЕГЭ дагы бирем һәм мәсьәләләр белән ныгытылды.

Табигать фәннәре атналыгы дәвам итә. Бүген 8-11 класс укучылары өчен  "Химия һәм экология" темасына әңгәмә үткәрелде.

 Бүген иртәнге беседада 5-7 класслар өчен "Коточкыч кәлтәләр" дип исемләнгән видеофильм тәкъдим ителде.

   Традиция буенча табигать фәннәре атналыгы кысаларында 8 класс укучыларын "Химикларга кабул итү " тантанасы булды.11 класс укучылары әзерләгән биремнәр, химия укытучысы Фатхрахманова Л.Ш. күрсәткән тәҗрибәләрдән соң, 8 класс укучылары химияне тырышып укырга сүз бирделәр.

5 классларда биологиядән "Вируслар" темасына биология укытучысы Хадиева Р.Р. ачык дәрес үткәрде. Укучылар вируслар турында мәгълүмат тупланган китапчык ясадылар, китапханәдә, архивта, кинозалда, больницада, типографиядә "кунакта" булдылар, вируслар турында белем тупладылар.

    Табигать фәннәре атналыгы кысаларында бүген мәктәптә Фәнни лотерея үткәрелде. Укучылар биология, география, химия фәннәре буенча сорауларга җавап биреп, сюрприз-күчтәнәчләр оттылар.