24 январь-Бөтендөнья Мәгариф коне һәм  2021 ел-Туган телләр һәм Халыклар бердәмлеге елы уңаеннан бүген Шушмабаш урта мәктәбендә тәрбия сәгатьләре һәм әңгәмәләр циклы үткәрелде.Класс җитәкчеләре укучыларга бүгенге көн мәгарифе хакында сөйләделәр, мәгариф һәм фән өлкәсендәге яңалыклар белән таныштырдылар, туган телебезнең даһилыгы, бөеклеге турында чыгышлар тәкъдим иттеләр.

       Бүген 8 класс укучыларында биологиядән "Кан әйләнеше " темасын гомумиләштерү дәресе үткәрелде. Квест- дәрес  барышында укучылар йөрәк төзелеше, кан әйләнеше түгәрәкләре, кан группалары, йөрәк-кан тамырлары авырулары турында белемнәрне гомумиләштерделәр, ребус , мәсьәләләр чиштеләр.

Мәктәбебездә тәрбия сәгатьләре, әңгәмәләр  циклы дәвам итә. Класс җитәкчеләре бу атнада  " Гаилә тәрбиясе нигезләре" темасы буенча класс сәгатьләре үткәрде.

Шушмабаш урта мәктәбендә     40 ел эшләп лаеклы ялга чыккан,  олы хөрмәткә лаек ветеран - укытучы Нуриева Әминә Усман кызының бүген 90 яшьлек юбилее . Шул уңайдан Арча  муниципаль районы “Мәгариф идарәсе”  муниципаль учреждениесе   җитәкчесе Мөхәмәдияров Рамил Данил улы юбилярны   котлап, аңа иң изге теләкләрен җиткерде. Рамил Данилевич Әминә апага Арча районы хакимияте башлыгының Рәхмәт хатын тапшырды.Шушмабаш җирлеге башлыгы Сагитов Вәзир Вазыйхович юбилярны бәйрәм белән тәбрик итеп, истәлекле бүләкләр тапшырды.

            Сый-нигъмәтләр белән тулы өстәл янында Әминә Усмановна район җитәкчеләренә үзенең чиксез рәхмәтен, тирән ихтирамын җиткерде, үзе укыткан укучылары турындагы яшьлек хатирәләре белән уртаклашты. Без ветеран укытучыбызга ныклы сәламәтлек , якыннары янәшәсендә бәрәкәтле озын гомер кичерүен телибез!

Килгән чакта башка авырлык

Җитми калса көч, я сабырлык

Сиздермичә ярдәм иткәнсез,

Сез иң гүзәл кеше икәнсез!

 Юбилейдан истәлекле фотомизгелләр...

   Мәктәбебез укучылары Бөтенроссия олимпиадаларының республика этабына әзерләнәләр.Фән укытучылары белән берлектә татар  теле һәм әдәбияты, рус теле һәм әдәбияты буенча олимпиадага эзерлек бара.

Шекә авылы укучылары Бөек Ватан сугышы батырлары мемориалын чистартып ялт иттерделәр.

Юные тимуровцы очистили от снега мемориал, посвященный героям ВОВ.

   Каникулларда укучыларыбыз ял итү белән беррәттән өлкәннәребезне дә онытмыйлар.  Яшь тимурчылар әби бабайларыбызга барып кар көрәп, өй эшләрендә булышып кайттылар.

 Сегодня юные тимуровцы оказали посильную помощь пожилым людям.

Яңа ел бәйрәмнәре бик күңелле үтә. Бүген башлангыч класс укучылары саф һавада чаңгы шуып рәхәтләнеп ял иттеләр.

Сегодня учащиеся начальных классов  на свежем воздухе катались на лыжах.