13 март көнне мәктәбебезнең 10 класс укучылары  Сагдуллин А., Шакиров Р. , "Милли мультFest" республика балалар кинофестивалендә катнаштылар. Егетләр кече яшьтәге балалар өчен татар телендә аралашырга өйрәтә торган  "Куян маҗаралары" исемле компьютер уены тәкъдим итеп, аны якладылар.Укучылар   "Татар телендә компьютер уеннары" номинациясендә диплом белән бүләкләнделәр. Егетләрне һәм аларның җитәкчесе Самигуллин Ф.Ф. ны уңышлары белән котлыйбыз! 

  12-13 март көннәрендә Казан шәһәренең "Ак барс" көрәш сараенда яшүсмерләр арасында көрәш буенча Россия беренчелеге булып узды. Мәктәбебезнең 8 класс укучысы Каримов Таһир  Россия чемпионы булды! Таһирны һәм аның тренеры Саляхов М.Р.ны зур җиңүләре белән котлыйбыз!

"Без бергә" республика фестиваленең муниципаль этабында катнашып "Вокал-соло" номинациясендә Гарафутдинова Р. 2 дәрәҗә  лауреат, "Народный инструментальный ансамбль " номинациясендә "Бөтерчекләр" коллективы-2 дәрәҗә лауреат, театр коллективы 3 дәрәҗә лауреат булды. .Ә "Декоративно-прикладное искусство" номинациясендә мәктәбебез күргәзмәсе 3 урынны алды. Котлыйбыз!

     Мәктәбебездә 8 март-Халыкара хатын-кызлар көне уңаеннан барлык классларда бәйрәм чаралары үтте. Башлангыч классларда әдәби музыкаль композиция, урта өлештә "Батырлар һәм матурлар!" уен-ярышы, югары классларда "Где логика?" интеллектуаль уены үткәрелде.

2 март көнне 1 класс укучылары Әлифба китабы белән саубуллашып , "Әлифба" бәйрәме үткәрде.Укучылар кораб белән сәяхәткә чыгып, сынаулар аша үтеп, үзләренең белемнәрен сынадылар, матур җырлар һәм биюләр белән чыгыш ясадылар. Укучыларга алга таба да зур уңышлар телибез

  25-27  февраль көннәрендә Мамадышта узган 2005-2008 нче елгы егетләр арасында "Сабантуй" журналы призына көрәш ярышында Каримов Т. һәм Халиуллин И. үз авырлыкларында җиңү яулап Татарстан чемпионнары булдылар! Котлыйбыз!

Бүген башлангыч класслар арасында өстәл теннисы буенча финал ярышлары узды. Ярышның үз җиңүчеләре ачыкланды.аларны җиңүләре белән котлыйбыз

5-6 классл кызлар һәм егетләр арасында пионербол ярышы узды

21 февраль-Туган тел көне уңаеннан мәктәбебезнең рус теле һәм татар теле укытучылары "Молодая Гвардия" оешмасы тәкъдим иткән , туган тел көненә багышланган Квиз-уен үткәрделәр. Уен татар халкының җырлары, биюләре белән үрелеп барды. Кичә "Туган тел" җыры белән тәмамланды.

И туган тел, и матур тел,

Әткәм-әнкәмнең теле;

Дөньяда күп нәрсә белдем

Син туган тел аркылы.

21 февраль-ХалыкараТуган тел көне. Шул уңайдан мәктәбебездә тантаналы линейка булып узды. "Тукай агачы" дизайн бизәлеше  янында укучыларыбыз туган телгә багышланган шигырьләр сөйләде, милли җырлар җырлап , сәхнәләштерелгән күренешләр тәкъдим итте.