Бүген Шушмабаш урта мәктәбендә ветеран укытучыларыбыз белән очрашу булды. Театр түгәрәгенә йөрүче укучыларыбыз К Тимбикованың "Кызыл алмалар" спектаклен куйдылар. Шулай ук Шекә башлангыч мәктәбе фольклор түгәрәгенә йөрүчеләр "Сыер саклаганда" күренешен тәкъдим иттеләр. Әлеге чаралар Бөек Җиңүнең 77 еллыгына барыбызга да менә дигән бүләк булды. Афәрин, егетләр һәм кызлар!!!

30 апрель -агач утырту көне уңаеннан мәктәбебез коллективы "Сад памяти" акциясендә катнаштылар. Агач үсентеләре утырту , аларны тәрбияләү  Бөек Ватан сугышында һәлак булганнарны искә алу максатыннан үткәрелә. 

     Бүген мәктәбебез укучылары мәктәп яны территориясен чистарту өмәсендә катнаштылар. Карлар эреп бетте, хәзер инде тырмалау, җыештыру эшләре башланды.  

Туган телләр атналыгы кысаларында мәктәптә якташыбыз, авылдашыбыз Марзия Фәйзуллина истәлегенә багышланган зур чара булып узды. Мәктәбебез директоры Шаймарданова Р.Г.  татар теле кабинетына Марзия Фәйзуллина исеме бирелү хакында укучыларга җиткерде.Марзия Фәйзуллина иҗатын яратырга өндәде. Кичә матур җырлар, биюләр, шигырьләр белән үрелеп барды.

26 апрель-бөек шагыйрь Габдулла Тукайның 136 еллыгы уңаннан мәктәбебездә бәйрәм концерты, шигырь бәйрәме булып үтте. Көн дәвамында укучылар һәм укытучылар милли киемнәрдән йөреп бәйрәм атмосферасын булдырдылар. Мәңге яшә, Тукай!

    25 апрель Россия Федерациясенен Дәүләт флагын күтәрү көне буларак игълан ителде.Шушы уңайдан бүген иртәнге тантаналы линейка дәүләт флаглары каршында Россия  һәм Татарстан гимнын тыңлау белән башланып китте  .

22 апрель-Бөтендөнья Җир көне уңаеннан биология укытучысы Хадиева Р.Р. укучылар белән әңгәмә үткәрде. Әңгәмә барышында туган җиребезне саклау,  Җир-ананың кыйммәте тагын бер кат ассызыкланды. Укучыларга экологик тәрбия бирүдә мондый чараларның әһәмияте бик зур.

  Бүген "Язгы игелелеклелек атнасы" кысаларында язгы өмә үткәрелде. Укучыларыбыз 22 апрель көне уңанннан символик галстуклар белән мәктәп яны территориясендә кар таратуда катнаштылар.

Яз җитте. Кошлар да җылы яклардан туган илләренә әйләнеп кайтты. Ә без сыерчыкларны каршы алырга инде күптән әзер идек. Безнең канатлы дусларыбыз без ясаган сыерчык ояларын үз итеп   оя кордылар, һәр иртән безгә рәхмәт әйтеп үзләренең сайрауларын бүләк итәләр алар.

   Сегодня  в нашей школе прошли классные часы, посвященные ко Дню Единых действий. Цель Дня единых действий: сохранение исторической правды о преступлениях нацистов и их пособников в отношении мирных советских граждан в годы Великой Отечественной войны на оккупированной территории. Показать через эту призму исторической памяти, что действия Красной Армии и единение советского народа в достижении Победы спасли наше государство и его граждан от полного уничтожения.