Быел җәй бик матур килде, кояшы да, яңгыры да мулдан булды. Мәктәп бакчасында уңышлар бик яхшы. Укучылар җәйге практикада чүп утау, кәбестә төбен йомшарту , җыештыру эшендә.

"Күбәләкләр" лагерена йөрүче балалар "Хәтер шәме" акциясенә кушылдылар.

 Бүген безнең "Күбәләкләр " лагеренда зур бәйрәм булды.Кунакка мультфильм геройлары  Чебурашка,Нюша,Крош,Тигр килделәр.Алар июнь аенда туган көннәре булган балаларыбызны котладылар,кызыклы уеннар уйнадылар,тәмле туган көн сыйлары өләштеләр.Рәхмәт бик зур балалар өчен шундый күңелле чара оештыручы Ашытбаш мәдәният хезмәткәрләренә.Эшләрендә уңышлар телибез.

Сәяхәтләрне дәвам итеп без бүген Хотня авылында булып кайттык. Изге чишмәдән сулар эчтек,авылның тарихы бн таныштык. 

Бүген лагерьда "Сәяхәтләр көне". Без шул уңайдан безгә якын авылларның тарихлары белән кызыксынып Кырлай авылына сәяхәт кылдык.Габдулла Тукай музеенда булдык. Чишмәләр белән таныштык,аның саф суларын эчтек,тәннәребезгә шифа алдык.Ял итү урыннарында булып,күңелле итеп ял итеп кайттык.

Буген "Күбәләкләр" лагеренда "Балыкчы көне" булды. Музыка астында иртәнге зарядканы эшләп,тәмле итеп сыйлангач,тезелешеп су буена төштек . Балалар кармакларын әзерләп килгән иделәр,рәхәтләнеп балык тоттык. Иң күп балык тотучы Юсупов Булат белән Шакирова Эльмира булдылар. 

 Көннең икенче яртысында рәсем конкурсы үткәрелде.

 "Күбәләкләр" мәктәп яны лагеренда бүгенге көнебез "Сулыклар-табигать байлыгы" дип аталды. Без балалар белән Шушма елгасына сәяхәткә бардык. Елга буйларында сулар кереп,чәчрәтеп уйнадык.Тәннәребезгә шифа,көч алдык. Көннең икенчче яртысында сулыкларны саклау турында әңгәмә үткәрелде. Көнебез күңелле үтте.

Бүген, кояшлы матур иртәдә балалар лагерьга бик теләп җыелдылар. Иртәнге зарядкадан соң, тәмле ашлар белән сыйлангач,балалар төркемнәрдә шөгыльләнделәр."12 июнь - Россия көне" уңаеннан әңгәмә үткәрелде.Илебез турында белгәннәрне искә төшереп,викторина узды, рәсемнәр ясадылар. "Окна России" акциясендә катнашып,тәрәзәләрне бизәделәр.

  Көннең икенче яртысында саф һавада хәрәкәтле уеннар уйнадылар.Көнебез бик файдалы булды.

Сабантуй. Бу бәйрәмне язгы кыр эшләре беткәч,май һәм июнь айларының соңгы көннәре аралыгында үткәрәләр.Бәйрәмнең конкрет датасы юк,ул шул язгы кыр эшләренең кайчан бетүенә бәйле.Нәрсә соң ул Сабантуй һәм аның татарлар өчен нинди әһәмияте бар?Сабантуй-  чынлап торып массакүләм күңел ачу һәм спорт чарасы, бу чарада профессионал спортчылар гына түгел,ә бәйрәмгә килгән һәр тамаша кылучы катнаша ала.Соңгысы исә, төрле кызыклы һәм көлкеле хәлләр, гомуми берләшүлек, катнашулык атмосферасы тудыра, шуңадыр да бәлки, Сабантуй- татарларның гына да түгел, ә башка халыкларның да, ә хәзер Сабантуйда ул үткәрелүче территориядәге бар халык вәкилләре дә бик теләп катнашалар, - иң яраткан бәйрәме дә.

 Бүген лагерьга йөрүче балаларга Сабантуй бәйрәме турында әңгәмәләр үткәрелде. 

"Күбәләкләр" мәктәп яны җәйге лагеренда бүгенге көнебез"Дуслар җыелган җирдә" дип атала. Шушы көнгә багышлап,1 отряд "Җиләкләр " Ташкичү авылына сәяхәт кылдылар.Алар анда "Мәрҗәни" музеенда булдылар.  2 отряд "Карлыганнар" авылның җәйге табигатенә экскурсиягә бардылар. Көннең икенче яртысында "Наркотикларсыз тормыш!" дигән девиз астында флешмоб биеделәр.