Бүген Арчада "Созвездие-Йолдызлык-2014" конкурсының район турында безнең мәктәп укучылары Ахмадуллина Лилия, Набиуллина Илхамия, Галимзянов Рөстәм катнашып,  уңышлы чыгыш ясадылар.  5 класс укучысы Ахмадуллина Лилия конкурста җиңеп чыгып, зона ярышларына бару хокукы алды.Лилиягә иҗади уңышлар телибез!

Сегодня в пгт Кукмор прошел зональный этап Республиканского конкурса "Воспитать человека" в рамках Всероссийского конкурса организаторов воспитательного процесса "Воспитать человека". В конкурсе участвовала классный руководитель 2 класса Тазетдинова Гульшат Ринатовна. Поздравляем Гульшат Ринатовну с удачным выступлением!

Бу атнада без, 7нче сыйныф укучылары, мәктәпкүләм дежур торачакбыз. Каникул алды атнасы нинди булыр, кайсы сыйныф нинди фәннән административ контроль эш эшләр, кемнәр иртән йокысыннан тора алмыйча озак йоклый? - менә шушы сорауларга атна дәвамында җавап эзләргә дигән бурычлар куйдык.

Бүген 7нче сыйныфта "Яз көне куркынычсызлык кагыйдәләре" дигән исем астында тәрбия сәгате үтте. Укучылар яз көне урамда, юлда, су буйларында, язгы каникул вакытында  өйдә торганда куркынычсызлык кагыйдәләрен искә төшерделәр. Янгын вакытында, ток сукканда нинди кагыйдәләрне истә тотарга кирәклеген сөйләшеп үттеләр.

Бүген мәктәптә "Самостоятельные дети" кысаларында  "Маленькие радости жизни"- " Тормышның кечкенә шатлыклары" акциясе узды.Акцияне оештыручылар төрле классларда әңгәмәләр оештырдылар, укучыларга тормышны яратырга, оптимистик рухта, позитив эмоцияләр белән яшәргә кирәклеге турында чыгыш ясадылар.Укучыларга "Маленькие радости жизни"дип исемләнгән буклетлар өләштеләр.

9 нчы класс укучылары сугыш ветераны Каримов Хәбир абый белән очрашуда булдылар.

Бүген Нуризянов Эльнар Тагирович информатика фәненнән Сингапур методикасын кулланып ачык дәрес күрсәтте. Укучылар Эйлер әйләнәсен өйрәнеп, җайлы юл белән мәсьәләләр чишәргә өйрәнделәр.

9нчы март көнне 10нчы класс укучылары һәм әти-әниләре белән "Һәммә кеше җирдә бала булган" дип исемләнгән гаилә бәйрәме үткәрелде. Сыйныф җитәкчесе Хадиева Рузилә Рафиковна бәйрәмне эчтәлекле, матур, күңелле итеп оештырган иде. Бәйрәм матур аралашу, уен-җырлар белән җылы атмосферада үтте. Бер бөтен гаилә кебек очрашу чәй өстәле янында түгәрәкләнде.

7 март көнне 2000-2001нче елда туган укучы егетләребез 5нче номерлы Арча гимназиясе шугалагында район беренчелегенә алкалы хоккей ярышында катнашып, призлы 2нче урынны алдылар. Аларны чын күңелдән котлыйбыз!

Хөрмәтле Хатын-кызларыбыз! Сезне  бәйрәмегез белән котлыйбыз! Сезгә язның дәртле сулышын, җәйнең сафлыгын, айның серлелеген, йолдызларның гүзәллеген, җан-бәгырьнең түземлеген, мәхәббәтнең олысын, бәхетнең тулысын телибез! Сәламәт, озын гомерле, бәхетле булыгыз!