Бүген лагерьда "Кызлар көне" исеме астында конкурс узды. Кызларның осталыклары, җитезлекләре, тапкырлыклары  тикшерелде. Кичә бик күңелле узды. Көндезге аштан соң "Адәп төбе матур гадәт" девизы астында әңгәмә оештырылды.

"Күбәләкләр"исемендәге лагерь үз эшен башлап җибәрде һәм  кызыклы әңгәмәләр, уеннар белән үрелеп бара. Балалар бик теләп һәм кызыксынып йөриләр.

1 июнь көнне Шушмабаш урта мәктәбендә “Күбәләкләр” сәламәтләндерү һәм ял лагеры ачылды. Лагерьны ачу тантанасы мәктәпнең актлар залында укучыларның иҗат номерларын күрсәтү белән башланды. Бәйрәмнең тантаналы өлешендә укучылар үзләренең иң матур җырларын, биюләрен, шигырьләрен бүләк иттеләр. Бәйрәм 1 июнь- “Балаларны яклау көне” уңаеннан мәктәбебезнең спорт мәйданчыгында дәвам итте. Укучылар тәрбиячеләр белән берлектә төрле спорт уеннарында катнаштылар. Лагерьның беренче көне менә гшулай кызыклы һәм күңелле үтеп китте.

Бүген мәктәпләрдә 11нче сыйныф укучылары өчен соңгы кыңгырау чыңлый. Быелгы чыгарылыш укучылары бердәмлекләре, уңган-тырыш булулары, олимпиадаларда күп призлы урыннар алулары белән аерылып тора. Аларга яңа тормышта да бердәм, тырыш, кешелекле булуларын, уңышлар телибез!

Балачакка кире кайтып булмый,

Бүген Арча шәһәрендә районкүләм асфальтта рәсем ясау конкурсы үтте. Көн эссе булуга карамастан, катнашучылар бик күп килгән иде. Балалар асфальтта рәсем ясарга елдан-ел остарып килә. Жюрига да җиңүчеләрне сайлау бер дә җиңел булмады. Безнең укучыбыз, Габделганиева Наилә, 14 яшьтән алып 18 яшькә кадәрге  категориядә "Юл йөрү кагыйдәләрен бел һәм үтә!" номинациясендә 1нче урын алды. Наиләне котлыйбыз! Афәрин!