9 ноября в школе прошло интересное мероприятие, посвященное 200 летию со дня рождения И.С.Тургенева "Великий мастер слова".

Татарстан Республикасы Мәгариф һәм фән министрлыгы «2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын ашыру, берлектә туган телгә һәм гореф-гадәтләргә мәхәббәт тәрбияләү, интернет-технологияләр ярдәмендә татар телен һәм мәдәниятен саклау һәм үстерү, прогрессив белемле укытучылар, укучылар һәм гаиләләрне барлау максатында «Белем җәүһәрләре» дип исемләнгән IX Бөтендөнья интернет-проектлар бәйгесен үткәрде.

 Бәйгедә Шушмабаш урта мәктәбенең физика укытучысы Нуриева Рәмлә Равиловна җиңү яулады. Аны зур җиңүе белән ихлас котлыйбыз һәм киләчәктә дә иҗади уңышлар телибез!

Ни арада җәй үтте

Матур көз килеп җитте.

Шатлык тулы бу бәйрәмне

Укучылар күптән көтте.

Бүген бездә матур бәйрәм

Бүген бездә Көзге бал.

25 октябрьдә 5-8 сыйныф укучылары   өчен, "Көз патшалыгында" бәйрәме үткәрелде.   Бәйрәмдә көз темасына җырлар, биюләр дә әзерләгәннәр. Көз сылуларын  егетләр матур итеп киендереп сәхнәгә алып чыктылар. Көз сылулары  төрле яктан сыналып арасыннан   җиңүчене билгеләп куйдык.8 класстан Хадиева Рамилә  “Көз -2018” булды.  Бәйрәм күңелле үтте. 

Бүген мәктәбебезнең башлангыч класс укучылары яхшы кәеф белән, бәйрәмчә киенеп Уңыш бәйрәменә ашыкты.

         Бәйрәмдә көзгә багышланган җырлар җырланды, шигырьләр сөйләнде, уеннар уйналды. Укучылар  рәхәтләнеп ял итте.

1. Өлкән класс укучылары өчен интернет челтәрендә бердәм куркынычсызлык дәресе балаларны Интернет челтәренең өстенлекләре һәм куркыныч яклары белән таныштырды, электрон почта, социаль челтәрләр информацион продуктлар белән эш иткәндә сак булырга өйрәтте. Укучылар  кызыксындырган сорауларга җаваплар алдылар, үз фикерләрен әйттеләр. 

Бүген 6 сыйныфта 15- октябрь Хәтер көненә багышланган тәрбия сәгате үтте. Укучылар явыз патша Иван Грозныйның Казан шәһәрен ничек басып алуы, борынгы бабаларыбызның батырлыклары, ни өчен бу көннең Хәтер көне буларак билгеләнеп үтүе белән таныштылар. 

17 октябрьдә мәктәбебездә “Парламент дәресе” кысаларында класс сәгатьләре үтте. 5 нче класс укучылары “Мин гражданин” темасы буенча әңгәмә алып бардылар. Алар дәүләт символларын искә төшерделәр. Гражданинның кем икәнен, аның алдында нинди хокук, бурычлар торганлыгын ачыкладылар. Класс сәгате бик тә җанлы барды, укучылар үзләрен кызыксындырган сорауларга җавап таптылар.

Сегодня в нашей школе прошел Единый урок безопасности в сети интернет с участием учащихся 8 и 9 классов. 

Укытучылар көне уңаеннан Үзидарә көнендә дәрес бирүче укучылар һәм педагогик коллектив белән түгәрәк өстәл үткәрелде.Укучылар үзләренең дәрес биргәннән соң алган тәэсирләре  белән уртаклашты .Укытучы һөнәренең нинди җаваплы. авыр хезмәт икәнен үз җилкәләрендә татыган бу укучылар остазларына рәхмәт сүзе җиткерде. Мәктәп директоры укучыларга махсус сертификатлар тапшырып, уңышлар теләде.