Бүген мәктәбебездә башлангыч класслар атналыгы башланды. Атналыкны ачу линейкасында укучыларга атналык расписаниесе игълан ителде. 1 класста "Митя һәм Гриппус вирусы" дип аталган ачык тәрбия чарасы узды. Укучылар грипптан саклану алымнары турында мәгълүмат алдылар. Чара  һәркем өчен файдалы булды.

Бүгенге иртә мәктәбебездә “Битва хоров”  чарасы белән башланып китте. 5-8сыйныф укучылары әни турында җыр җырладылар. Һәрбер сыйныф тырышып әзерләнгән. Барлык укучылар да актив катнашып матур чыгыш ясадылар
 

Инглиз теле атналыгы кысаларында үткәрелгән флеш-моб укучыларының күңеленә хуш килде. Һәрберсе рәхәтләнеп биеп күңел ачты.

Инглиз теле атналыгының бүгенге иртәсе инглиз чәен эчү кагыйдәләре белән танышудан башланды. Укучылар Англиядә чәй эчү гадәтенең барлыкка килү тарихы, чәй сортлары, чәй янына нәрсәләр бирелә – шулар белән танышты

Башлангыч сыйныф укучылары өчен рус телендәге мультфильмнар инглиз телендә күрсәтелде. Укучылар таныш мультфильмнарының инглиз телендәге янгырашын кызыксынып күзәтеп һәм тыңлап утырдылар

6-8 укучыларыннан торган командалар, Бөекбритания турындагы белемнәрен, “Do you know Great Britain?” дип аталган викторинада катнашып күрсәттеләр. Командалар арасындагы ярыш “Smart pupils” командасының җиңүе белән тәмамланды

2 класс укучыларының иң шатлыклы көннәре. Класстагы 17  укучыны “Карлыгач” балалар оешмасына кабул иттек.

5-8 сыйныф укучылары өчен Лондон шәһәре турында видеролик күрсәтелде. Укучылар шәһәрнең барлыкка килү тарихы, күренекле урыннары белән танышты.

Озын тәнәфестә 5-11 сыйныф укучылары өчен “Переменка для любознательных” уены үткәрелде. Укучылар Бөекбританиянең күренекле урыннары сурәтләнгән картинада нәрсә җитмәвен, рәсемдәге кешеләрнең кем икәнлеген, мәкальләрнең рус теленә тәрҗемәсен белде һәм башка төрдәге биремнәр чиште. 10 сыйныф укучылары бигрәк тә актив булды. Аларга:” Афәрин!” һәм “Рәхмәт!” диясе килә.