Бөтен ил халкы Бөек Ватан сугышында Җиңүнең 70 еллыгын бәйрәм итә. Бүген Шурабаш авылында шушы бәйрәм уңаеннан митинг булды. Митингта җирле үзидарә, "Вамин - Мәрҗәни" ширкәте җитәкчесе, сугыш һәм тыл ветераннары, мәктәп укытучылары һәм укучылары, балалар бакчасыннан нәниләр катнашты. Сугышта үлеп калганнарны бер минут тынлык белән искә алдылар. Сугыш кырында үлеп калганнар өчен куелган һәйкәлгә венок салдылар.  Митингта сугыш ветераннары Хәкимов Вәли абый белән Исмәгыйлев Ризван абыйлар чыгыш ясады. Мәктәбебезнең 5, 6  һәм 7 класс укучылары бик эчтәлекле итеп чыгыш ясадылар.

 Сугышта катнашканнарның даны мәңгелек! 

4, 5, 6, 7 нче май көннәрендә Шурабаш мәдәният йортында, Шура, Байкал авылы клубларында, Яңа Сәрдә башлангыч мәктәбендә Бөек Җиңүнең 70 еллыгы уңаеннан Шурабаш мәктәбе укытучылары, клуб, библиотека хезмәткәрләре катнашында концертлар булып узды. Әлеге кичәләргә авылыбызның тыл ветераннары чакырылган иде.

4 мартта район мәдәният йортында сәләтле балаларны хөрмәтләү тантанасы булды. Хөрмәтләү тантанасында Илшат Нуриев тырыш балаларны уңышлары белән котлады, уку алдынгыларына районның махсус стипендиясен тапшырды. Район мәгариф идарәсе җитәкчесе Зөлфәт Дәүләтбаев төрле дәрәҗәдәге олимпиадаларда җиңү яулаган укучыларны бүләкләде. Ул тантанада безнең мәктәпнең дә 3 укучысы катнашты: 9 класс укучылары Ахметова Алсинә, Фазлеева Алсу һәм Файзиева Гөлшатлар

5 май көнне  стадионда Арча районы профсоюз членнары арасында җиңел атлетика буенча ярышлар узды. Шурабаш төп мәктәбе укытучылары да бу ярыштан читтә калмадылар. Абдуллина Ф. Х. 35 яшьтән өлкәнрәк хатын - кызлар арасында 100 метрлы эстафетада 1- урын, хатын - кызлар эстафетасында мәктәп командасы 2 - урынны алды. Ярышта катнашучы укытучыларга бик зур рәхмәт. Аларга тагын да зуррак уңышлар телибез!

4 апреля в гимназии № 5 Арского района прошел конкурс "Безопасное колесо - 2015" среди отрядов ЮИД школ Арского муниципального района РТ. Из нашей школы ученик 5 класса Антипов Владислав занял 2 место на этапе "автогородок". Поздравляем Владислава с победой!

В республике продолжается акция "Помоги своей школе!", инициированная Президентом Республики Татарстан Р.Н.Миннихановым.  Сегодня каждый из нас может помочь своей родной школе, в которой получал знания, находил друзей, делал свои первые самостоятельные шаги, а самое главное – искал себя и свой путь в жизни.

30 апрель көнне Арча шәһәренең үзәгендә, вакытны файдалы оештыру, наркотикларга каршы көрәш, сәламәтлекне ныгыту максатыннан һәм Бөек Җиңүнең 70 еллыгы уңаеннан бию марафоны - флеш моб батлл узды. Бу марафонны район яшьләр бүлеге, мәгариф бүлеге, мәдәният бүлеге, яшьләрнең "Форпост" җәмәгать оешмасы, волонтерлар оештырды. Безнең мәктәп командасы уңышлы катнашып, зур тәэсирләр белән, канәгатьләнеп кайттылар.

Безнең барыбыз өчен дә май бәйрәмнәре яңарыш, яхшылыкка өмет  һәм ышаныч символлары булып торалар. Әлеге җылы яз көннәрендә күңелегез шатлык белән тулылансын, яңа яшәү көче бирсен.

Районыбызда чисталык икеайлыгы бара. Һәр оешма үз территориясен чүп - чардан арындыра, җыештыра. Безнең мәктәп тә бу эштән читтә калмый. Көннәр җылыну белән, мәктәп тирәсендә дә эш күбәя. Тирә - якны җыештыру өчен буш вакытларында укучылар, укытучылар эшкә чыгалар. Бүген дә  мәктәп янындагы коелган яфраклар җыеп түгелде, тырмаланды, чәчәк түтәлләре тәртипкә китерелде.

Бик ерактан сызылып аткан

Бер гүзәл апрель таңы

Бирде сине бу җиһанга

Әй шагыйрьләр солтаны

Күк йөзендәге йолдызлар

Яктырта төн карасын

Тукай дигән якты йолдыз

Агартучы күңел карасын

Бүген мәктәбебездә татар теле һәм әдәбияты укытучысы Гараева Р. М. 5 һәм 6 класс укучылары белән "Безнең йөрәкләрдә син, Тукай” исемле кичә үткәрде. Габдулла Тукай шигырьләрен белү буенча, 5 класс укучысы Мусина Илүзә финалга чыкты. Кичәдә катнашучы барлык укучыларга зур рәхмәт!