Бүген, 21 нче апрель көнне, "Язгы мәрхәмәтле эшләр эстафетасы" акциясе  кысаларында мәктәбебездә флешмоб үткәрелде

Мәрхәмәтле эшләр эстафетасының  икенче көне “Дуслык көне” темасы астында узды. Барлык классларда да “Дуслык” дәресләре, беседалар, башлангыч класс укучылары анкеталар тутырдылар.  5 класста “Нәрсә ул дуслык” темасына  отряд сборы узды. Озын тәнәфесләрдә укучылар  төрле уеннарда катнаштылар, биюләр оештырылды. 

Бүген, укучылар белән берлектә, мәктәп капкасына Бөек Ватан сугышында Җиңүнең 70 еллыгына багышланган баннер куелды, әңгәмә үткәрелде. Бөек Җиңүнең әһәмияте, авылдашларның җиңүгә керткән өлеше турында кабат искә төшерелде

"Язгы мәрхәмәтле эшләр эстафетасы" акциясе башланып китте. Укучылар атналыкның максаты, планы белән алдан таныштырылды. Тирә - яктагы һәрбер кешегә карата изгелек кылырга кирәк. Изгелекне бу атнада гына түгел, ә һәрвакыт гомер буенча кылырга дигән фикердә калабыз.

Бүген мәктәбебездә 9 класс укучылары Г. Тукай исемендәге Әтнә авыл хуҗалыгы техникумының директор урынбасары Надия Газимовна белән очраштылар. Ул укучыларны техникумдагы уку шартлары, алырга мөмкин һөнәрләр белән таныштырды. Киләчәктә аларны үзләренә укырга килергә чакырды.

Өченче ел рәттән Актаныштагы Беренче Президент Кубогына милли көрәш бәйгесе апрель аенда оештырыла. Бу бәйгедә безнең мәктәбебезнең 7 һәм 8 класс укучылары, күп бәйгеләрдә беренче урыннарны алган, Хадиев Айзат һәм Хакимов Азатлар катнаша. Без аларның җиңеп кайтуын теләп калабыз! 

В рамках реализаций мероприятий Стратегии развития образования в Республике Татарстан на 2010-2015 годы, с целью осуществления комплексной оценки достижений планируемых предметных, метапредметных и личностных результатов обучающихся начальной школы в соответствии с требованиями ФГОС 15 апреля во всех школах республики пройдет мониторинг оценка качества образования. В мониторинге примут участие 4-х классов. Сегодня в нашей школе ученики 4 класса выполнили проектные работы.

Бүген "Казан арты" тарих-этнография музеенда Г. Тукайның 129 еллыгына багышланган "Моңлы сазым" әдәби- музыкаль кичәсе булды. Безнең мәктәпнең 9 класс укучысы Ахметова Алсинә бу кичәдә катнашып, Диплом белән бүләкләнде. Аны чын күңелдән уңышы белән котлыйбыз!

15 апрельдә Ташкичү гомуми белем бирү мәктәбендә Арча муниципаль районы Яңа Кенәр зонасы мәктәбе укучыларының волейбол ярышлары булып узды. Кызлар арасында 3 команда, егетләр арасында 6 команда катнашты. Безнең Шурабаш мәктәбе кызлар командасы икенче урынны, ә егетләр командасы өченче урынны алдылар. Кызлар һәм егетләрнең волейбол командасын призлы урыннар алуы белән котлыйбыз. Аларның тагын да зуррак үрләр яулавын телибез.