Быелгы яз безгә  Җиңүнең 71 еллыгын  алып килә. Без инде 71 ел  тыныч күк, бәхетле кояш  белән  көнебезне каршылыйбыз. Сугыш еллары     елдан-ел артта  кала. Ләкин гомер алга  барган  саен, ул  көннәрне  батырлыгы  безне  ныграк  сокландыра, халыкның  батырлыгына  таң          каласың. Сугышта илебез тынычлыгы өчен гомерләрен биргән ватандашларыбызны онытырга берәүнең дә хакы юк! Рәхмәт Сезгә, исән            калганнар, онытылмыйлар һәлак булганнар!

Мәктәбебездә  "Җиңү язы"  акциясе дәвам итә. Югары класс укучылары "Халык хәтере -  мәңгелек" исеме астында, Бөек Җиңүгә багышлап кичә күрсәттеләр. Кичәдә сугыш башлану күренеше күрсәтелде, сугыш чоры җырлары җырланды. 

Бүген Бөек Җиңүнең 71 еллыгы уңаеннан Иске Кырлай авылында урнашкан һәйкәл янында митингка җыелдык. Митингка тыл ветераннары һәм сугыш чоры балалары чакырылган иде. Һәлак булган авылдашларыбыз истәлегенә һәйкәлгә венок салдык. Митингта бердәнбер исән булган сугыш ветераны Камалов Әнвәр Галәү улы да катнашты.

Бүген без дә "Үз агачыңны утырт" акциясендә катнашырга булдык. Мәктәп яны бакчасында укучылар үзләренең агачларын утырттылар. Хәзер аларга көн дә су сибеп, агачларның үсеп киткәннәрен көтәргә кирәк. 

Бүген Герой якташыбыз, күрше Әзәк авылында туган Шаһимәрдәнов Гарәбша Шаһимәрдән улының балалары безгә кунакка килделәр. Алар үзләренең әтиләре хакында, ул күрсәткән батырлыклар хакында  укучыларга сөйләделәр, истәлекләре белән уртаклаштылар. Безнең җирлектән дә шундый Герой чыгуы белән без чиксез горурланабыз.

Федеральная служба по надзору  сфере образования и науки сообщает об открытии с 26.04.2016 г. телефона доверия к процедуре проведения государственной итоговой аттестации по программам основного общего и среднего общего образования, в том числе в формате ЕГЭ, - Телефон доверия  к ЕГЭ по номеру +7(495)1046838, звонки на который принимаются по пятницу с 9.00 до 18.00 по московскому времени. 

 Әле күптән түгел генә без якташыбыз - Түбән Әзәк авылында туып үскән, сугыш  кырындагы  батырлыклары өчен  Советлар Союзы Герое исеменә тәкъдим ителеп тә, аны  ниндидер сәбәпләр аркасында ала алмаган якташыбыз Гарәбша Шаһи­мәр­дан улы Шаһимәрданов  барлыгын белдек һәм белү белән  аның турында мәгълүмат туплый башладык. Герой якташыбызның тормыш юлы бездә зур кызыксыну уятты. Ул  1905 нче елның 15 июнендә  Шәһимәрдан һәм Бибиҗәмилә апа гаиләсендә туа. 1925 нче елга  кадәр туган авыл күмәк  хуҗалыгында   хезмәт куя. 1925 – 1927 нче елларда Казан шәһәренең  40 нчы номерлы   заводында эшли. Арча районының Түбән Әзәк авылы егете Гарәбша Шаһи­мәр­дан улы Шаһимәрданов 1927-29 елларда Кызыл Армия сафларында хәрби чакырылыш буенча хезмәт итә.  Аннан соң Түбән Тагилда  тимер  юлда  эшли. Сугыш башлангач, 1941 елның 5 ноябрендә үз теләге белән фронтка китә. Саба районы хәрби комиссариаты аны Брянск фронтының 118 нче танк бригадасына курсант итеп җибәрә. Егет 1943 елның июнен­дә Казан югары офицерлар бронетанк училищесында кыска вакытлы курслар үтә. 1944 елның апреленнән 37 нче механикалаштырылган бригада составында “Шерман М4А2” Америка танк­ларында сугышкан взвод­ның командиры булып китә. 1945 елның гыйнварында 1 нче Белоруссия фронтының 219 нчы танк бригадасында танк ротасы командиры итеп куела. Герой якташыбыз турында эзләнүләр әле дәвам итә...

Бүген Арчаның 5 номерлы гимназиясендә "Куркынычсыз тәгәрмәч - 2016" ярышы үткәрелде. Безнең мәктәптән дә Шакирова Алинә, Хөсәенов Илназ, Сабирова Сара, Гилязутдинов Рәсим әлеге ярышта катнаштылар. Укучылар 5 төр буенча көч сынаштылар. Уеннар укучыларга бик ошады.

Тирә-юньне җыештырулар дәвам итә. Бүген без дә мәктәп тирәсен кипкән яфраклардан, чүп-чардан арындыру максатыннан өмәгә чыктык. Барлык укучылар да зур көч куеп тырышып эшләделәр. Мәктәп яны, юл кырыйлары хәзер ялт итеп тора.

26 апрель- Бөек шагыйребез Габдулла Тукайның туган көне. Бүген мәктәбебездә сөекле шагыйребезгә 130 яшь тулу уңаеннан бәйрәм кичәсе үткәрелде. Укучылар бик матур итеп шигырьләр сөйләделәр, Тукайның тормыш юлына багышланган видеоролик карадылар. Мәктәбебез укучылары куйган "Шүрәлене күр әле"спектакле район күләмендә җиңү яулады. Алар дипломга лаек булдылар. Катнашкан укучыларга кечкенә генә бүләкләр тапшырылды. Кичә "Туган тел" җырын күмәк җырлау белән тәмамланды.