Өстәл уеннары балаларның аң үсешенә нык йогынты ясый. Вак моториканы үстерү белән беррәттән, өстәл уеннары логик фикерләүне, уйлау тизлеген үстерү һәм башка шундый мөһим моментларны үстерүдә зур роль уйный. Шуңа күрә буш вакытларда балаларга өстәл уеннары тәкъдим итәбез, ә алар бик теләп шөгыльләнәләр. 

Уенның мәктәпкәчә яшьтәге баланың тормышында зур әһәмияткә ия булуын һәркем аңлый. Ул дидиактик уенмы, сюжетлы-рольлеме, хәрәкәтле уенмы, һәрберсе баланың аңын, физик һәм психик үсешен үстерүгә ярдәм итә. Уеннарны кызыклы, эчтәлекле итеп оештыру тәрбияченең һөнәри осталыгына бәйле. Уеннарны оештырганда төрле атрибутлар, маскалар, костюмнар кулланылса, балалар анда аеруча зур теләк белән катнашалар.  

Җиһанда кыш хакимлек итә. Бар табигать кышкы тирән йокыга талган. Мәңге яшел чыршылар да, бүтән агач-куаклар да кар юрганын ябынып, кышкы салкыннардан качып йокымсырап утыралар. Еш булып торган кышкы буран "Әле сезгә йокларга да йокларга, җылы язга иртә әле"-дип аларны кисәтә сыман.  

Гриппка каршы профилактиканы белү әти-әниләр өчен әһәмиятле. Балаларның сәламәтлеген кайгыртучылар иң элек алар бит. 

Нәни кулларыбыз тунмасын дип безгә әниләребез, әбиләребез матур бияләйләр бәйләп киертә. Бакчага барганда һәм тышта уйнаганда кулларыбыз гел җылыда була. Без бакчада үзебез дә төрле төсләрдә бияләйләр ясап, аларны матурлап бизәдек. 

Балаларның фикерләвен, күзаллавын үстерү өчен бакчабызда төрле чаралар һәм шөгыльләр үткәрелә. "Лабиринтлар илендә" сәяхәт эчтәлеге ягыннан хайваннар һәм үсемлекләр дөньясын, табигать күренешләрен, белемгә кагылышлы темаларны берләштереп оештырылды.

Саф һавада хәрәкәтле уеннар уйнадык, табигатьне күзәттек. Бүлмәбездә гимнастик күнегүләр эшләдек. Сәламәт булыйк!

Карны кем ясый? 

Кар яуганны карап тордым

Тәрәзәдән беркөнне.

Ап-ак үзе, бизәкләре

Йолдыз кебек, күр инде.

Кем соң аны ясый икән,

Кем сибеп тора икән?

Ничек куллары туңмый да,

Каян кар җитә икән?

Тәрбияче балалар белән дәрестән тыш вакытларда да рус телен өйрәтүгә зур игътибар бирә.Балалар рус телендә шигырләр өйрәнәләр. Тәрбияче һәр балага якын килеп балалар белән аерым шөгыльләнә. Эш дәфтәрләреннән биремнәр эшлиләр, рәсемнәрдән җөмләләр төзиләр.

Нәниләр өчен чыга торган газета-журналлар тәрбия эшен оештырганда бик  еш кулланыла. "Сабыйга", "Салават күпере", "Тылсымлы куллар" журналларын күп кенә гаиләләр дә үзләренә алдыралар.