Рәсем эшчәнлеген без көтеп алабыз. Алып килгән берсеннән берсе матур аллы-гөлле буяуларны кайчан кулланырбыз икән дип көтә-көтә арып беткән идек инде. Ниһаять тәрбияче апабыз бүген хыялыбызны чынга ашырды. Рәсемнең дә ниндиен генә ясадык бит әле-салават күпере! Бөтен матур төсләр белән дә буяп карадык. Салават күперләребез чын кебек килеп чыкты!

Эшчәнлек вакытларын көтеп алабыз.Рус теле эшчәнлеге безнең өчен аеруча кирәк.ШәҺәрдән кайткан иптәшләребез белән аралашу чарасы буларак без аны аеруча теләп өйрәнәбез.

Хәрәкәттә-бәрәкәт дигән халык мәкален истә тотып һәр көнне иртәге гимнастикадан башлыйбыз.Физик күнегүләр хәрәкәт активлыгын камилләштерә,кәефне күтәрә һәм күп күп итеп сәламәтлек бүләк итә.

Сюжетлы рольле уеннар балалар яратып уйный торган уеннарның иң беренчесе дип әйтсәк тә ялгыш булмас.Чөнки иртән бакчага килүгә һәм эшчәлекләрдән бушаган арада балалар үзләре мөстәкыйль рәвештә төрле темага с/р уеннар оештырып уйныйлар.Бу аларның дөньяны танып белү,иҗтимагый тормыш шартларына яраклашу иң мөһим аралашу кебек кирәкле сыйфатларны үстерергә ярдәм итә.

Без бүген мульфильмда кунакта булдык.Әйе,-әйе,чып-чынлап әйтәбез.Без телевизордан кечкенә генә итеп карап өйрәнгән Винни пух исемле аю малае безнең үзебезңнең зурлыкта булып күренде.Аны апаларыбыз шулай зур итеп махсус җайланмадан күрсәткәннәр икән,шуңа шулай зур булып күренгән дә инде.

Бакчага яңа гына йөри башлаучылар арасында тыныч, актив, тәрбияле балалар да бар. Шулай булмый, монда бит бар да үзе кебек малайлар һәм кызлар. Андый балалар киләчәктә бакчабызның терәге, тәрбияче апаларының беренче ярдәмчеләре булыр.

Төрле матур төсләр белән буялган уен мәйданчыгы үзенең нәни хуҗаларын каршылады. Балалар да озын җәйге яллардан соң мәйданчыктагы корылмаларны тансыклап килгәннәр, әле бер, әле икенче корылмада һәркем үз көчен сынарга ашыкты. Балаларның сәламәт, актив булулары без бакча хезмәткәрләре өчен зур шатлык!

Сагынып көткән сентябрь дә җитте. Бу көнне бакчабызның барлык хезмәткәрләре, әти-әниләр һәм әлбәттә бакчабызга йөрүче балалар түземсезлек белән көтеп алды. Чөнки капиталь төзекләндерүдән соң бакчабыз тагын да матурланып, ямьләнеп китте, ә иң мөһиме-заман таләпләренә туры килерлек итеп төзекләндерелде. Әлеге үзгәрешләргә барыбыз да бик шат! Төзүчеләргә, җитәкчеләребезгә, бакчабызның барлык хезмәткәрләренә,бик зур рәхмәт! Бакчабыз һәрвакыт балалар белән тулы булсын, аларның шат авазыннан гөрләп торсын!

Уку елының соңгы көннәре дә җитте.Без бүген шатлыклы да бераз моңсу да бәйрәмгә җыелдык.Бакчабызга 4 елбуе йөреп тәрбияче апаларының ярдәмчесенә ,үзеннән кечерәкләргә якын дуска әйләнгән Маулиев Сәйдәшне без бүген мәктәпкә укырга озаттык.Бәйрәмгә рус халык әкияте"Колобок"ны сәхнәләштердек.Соңыннан әкият геройлары Сәйдәшкә төрле биремнәр биреп аның белемен тикшерделәр.Ә Сәйдәш сынатмады ,барлык сорауларга да дөрес җавап бирде.Аңа киләчәктә дә зирәклек ,тапкырлык,тырышлык телибез .Хәерле юл сиңа Сәйдәш!