Дидактик уеннарны балалар ял вакытларында даими уйныйлар.Шулар арасында мозаика белән төрле сурәтләр ясау бала өчен аеруча кызыклы һәм файдалы.Чөнки мозаика белән эш итү баланың һәрьяклап үсешен  тәэмин итәргә этәргеч ясый.Фантазия,иҗадилыкны гына үстереп калдырмый ә бармакларны ручка карандаш тотарга да әзерли.

Табигатькөз хакимлек итүен дәвам итә. Без һәрбер эшчәнлектә елның әлеге фасылы турында нинди дә булса яңалык беләбез.Бүген чираттагы яңалыкны рус теле эшчәнлегендә белдек.Көз турында русча сүзләр, уеннар,шигырьләр өйрәндек.Киләсе эшчәнлегебездә әле хикәя дә төзеп сөйләргә өйрәнербез.Шуңа да без рус теле эшчәнлекләрен көтеп алабыз.

Бүген бакчабызда бәйрәм-Илзирә белән Раязның туган көннәре.Илзирәгә 5 әРаязга 7 яшь тулды.Без аларны туган көннәре белән тәбрик итәбез,сәламәтлек бәхет шатлык- балачак елларының күңелле үтүен телибез.Туган көн бәйрәмендә "Ак калач" уенын уйнадыкә алар безгә туган көн күчтәнәчләрен өләштеләр.

Чәчәклектәге чәчәкләрне җыйнап бетергәннән соң,җирне казып киләсе ел өчен чәчәк суганчалары утырттык.Бакчабыз иртә яздан көзгә кадәр чәчәкләр арасында утырсын әле.

Шөгыльләрдән бушаган арада балалар дидактик уеннар уйнарга яраталар.Фикерләү сәләтен үстерү,вак моторика күнекмәлрен ныгыту,игътибарлылык кебек мөһим сыйфатларны үстерергә ярдәм итә ул дидактик уеннар.

Кисеп ябыштыру эшчәнлегендә без бүген көзге яфракларны кисеп ябыштырдык.Чын яфраклар диярсең инде үзләрен табигый яфраклардан һич тә аерылмыйлар.Әти-әниләребез күреп шаклар катсыннар әле,безнең осталыкка.

Математика-ул шундый фән ,үзе кызык,үзе төгәл,үзе бераз авыр да.Шулай да аны белергә кирәк.Без аны шулай булуга карамастан көтеп алабыз һәм бик яратып өйрәнәбез.Көндәлек тормышта без математика белән һәрдаим очрашып торабыз,шуңа да аның белән дуслашырга кирәк.

Баланың мәктәпкә яхшы әзерлек белән килүе киләчәктә аның әйбәт укуына ышанычбулып тора.Ел башында һәм ел азагында үткәрелүче мониторинглар моны ачыкларга ярдәм итә.

1 нче октябрь -өлкәннәр көне.Без бу бәйрәмне бүген -30 нчы  сентябрь көнне билгеләп үттек.Бөйрәмгә бакчабызда эшләп лаеклы ялга киткән Венера,Сәрия,Рәхимә,Рәшидә апаларыбыз да килгәннәр.Бәйрәмне җыр,бию һәм уеннардан башка күзаллап та булмый.Без дә өлкәннәргә җыр-биюләр,үзебез ясаган бүләкләребезне бүләк иттек.