Тиздән яңа ел.Без аңа көннән көн якыная барабыз,шул ук вакытта аңа көн дә әзерләнәбез.Бүген без бакчабызның эчке ягын матур итеп бизәдек.Кыш бабабыз килешкә бүлмәбез дә үзебез кебек матур булсын дидек.

Ел саен үткәрелә торган "Голосок" район конкурсында катнашу бу елны Ильвинага насыйп булды. Ул "Чәй эчәбез бергәләп"исемле җырны башкарып матур күрсәткечкә иреште.Без балалар бакчасы коллективы исеменнән Ильвинаны бу җиңүе белән котлыйбыз ,киләчәктә дә безне матур җырлары белән сөендерүен көтеп калабыз!

Елдагы традициябезгә тугры калып,без быел да кышны кар сыннары ясап каршы алдык.Кыш бит үзе дә безне шушы эшне эшләргә өндәгән кебек беренче көннәрендә үк мул итеп епшек кар яудырды.Бу безнең өчен файдалы булды.

Бүген без саф һавага чыккач епшек кардан шарлар тәгәрәтеп куйдык. Шушы көннәрдә без алардан төрле матур кар сыннары ясарбыз.Кыш бабабыз Яңа ел якынлашканда безне беренче бүләге белән сөендерергә өлгерде.Ул килешкә бакчабыз каршын төрле кар сыннары бизәр.

Тиздән әниләр көне җитә.Аларга нинди генә матур теләкләр теләсәк тә ,аз булыр кебек.Ә әниләребез шатлансын өчен күп кирәкми-балалары исән-сау булып,уңышлары белән куандырсалар,алар бик бәхетле.Озын гомер,нык сәламәтлек,шатлык- куанычлар телибез,сезгә,кадерле кешеләребез! Ә менә бу курчаклар безнең әниләребезгә бүләкләребез. 

Әнием белән бергә,

Һәр көн күңелле үтә.

Иркәләп ул уята,

Чәчләремне тарата,

Тәмле итеп ашата,

Әнием мине ярата!

Әнием белән бергә

Һәр көн файдалы үтә.

Бакчага ул озата,

Әнием мине ярата!

Тиздән бәйрәм ителәчәк әниләр көненә без менә шундый матур курчаклар ясадык.Бәйрәм булачак көнне без аларны әниләребезгә бүләк итәрбез һәм әниләребезне шатландырырбыз.

Бакчабызда төрле матур бүлмә гөлләре үстерәбез.Алар бакчабызга ямь биреп утырсыннар өчен гөлләргә игътибар кирәк.Без аларга су сибеп, корыган яфраклаарын җыйнап гөлләрне даими тәрбияләп торабыз.

Тиздән әниләр көне.Шул уңайдан без бүген әңгәмәбездә әниләр турында сөйләштек.Һәркем үз әнисе турында матур итеп сөйләде.Без әниләребезне беркайчан да борчымаска,аларны матур эшләребез белән сөендереп торырга кирәк дигән теләк белән әнгәмәбезгә йомгак ясадык.

Иҗади уеннарны балалар яратып уйныйлар.Чөнки әлеге уеннарда бернинди кагыйдәләргә буйсынырга кирәкми.Бала үзен табиб,укытучы,шофер,сатучы хәтта космонавт итеп тә күзаллый ала.