Бәйрәмебезнең икенче өлеше чәй өстәле артында дәвам итте.Өлкәннәр кәнәгать булып,күтәренке күңел белән өйләренә таралдылар.

Яраткан шөгыльләребезнең тагын берсе-әвәләү эшчәнлеге.Без аны сагынып көтеп алабыз чөнки әвәләү белән без ике атнага бер генә тапкыр шөгыльләнәбез.Бүгенге эшчәнлегебездә әкиятләрдә генә очрый торган тылсымлы кошчыкны ясадык.Матур да килеп чыкты инде кошчыкларыбыз ,әйтерсең алар безнең янга әкияттән махсус кунакка дип килгәннәр.Ышанмасгыз менә карагыз!!!

Рәсем эшчәнлеген без көтеп алабыз.Әлеге эшчәнлек вакытында бөтен фантазиябезне эшкә җигәбез.Тылсымчылар кебек кышын җәйне ,җәен киресенчә кышны тагын әллә нәрсәләр ясарга сәләтле без.Бүгенге шөгылебездә көнбагыш чәчәкләрен сурәтләдек.Сары көнбагышлар үскән җәйләрне хәтерләтеп торсыннарәле!!!

Барлык балалар бакчасы хезмәткәрләрен һөнәри бәйрәмебез белән тәбрик итәм.Сәламәтлек,озын гомер,тынгысыз хезмәтебездә уңышлар,сабырлык телим.Бәйрәм белән!!!

Бүген без шөгыльләрдән соң яшелчә бакчасына ашыктык.Ни өченме?Чөнки аяз көннәр көзен сирәк була ә яшелчәләрне һәм бәрәңге уңышын җыеп алырга кирәк.Шуны истә тотып без кишер,чҗгендер,бәрәңге кебек яшелчәләрне җыеп алдык.Яшелчәләр бит алар витаминнар чыганагы,димәк,без үзебезгә кыш буе тукланырга җитәрлек витамин җыеп алганбыз.Болай булгач авырулар бездән ерак йөрсеннәр-без сәламәт балалар.

Яшелчә ,җиләк-җимешләр белән беррәттән бакчадагы чәчәкләрнең дә орлыклары өлгерде.Саф һавага уйнарга чыккач без иң элек чәчәк орлыларының өлгергәннәрен җыеп алдык.Җәй буе җирне бизәгән купшы чәчәкләрнең инде хушлашыр көннәре дә җиткән икән бит.Шуны истә тотып ,киләсе елга да безне шулай сөендерсеннәр,бакчабызга ямь биреп торсыннәр өчен орлыкларын җыеп кибәргә куйдык.

Тиздән 1 нче октябрь-өлкәннәр көне җитәчәк. Шул уңайдан без әби-бабайларыбызга кечкенә генә бүләк ясарга уйладык. Тәрбияче апабыз ярдәме белән без аларга менә шундый матур открыткалар ясадык. Әле моның белән генә чикләнеп калмыйбыз, сер итеп әйтәбез, без аларны кунакка чакырырга да җыенабыз. Шатландырыйк әле әби-бабайларыбызны!

Ниһаять ялыктыргыч көзге яңгырлардан соң күк йөзендә кояш күренде. Кояш чыккач без инде тәмам күңел тынычлыгын югалттык, шөгыльләрдән соң тизрәк уен мәйданчыгына ашыктык. Анда без яратып уйный торган "Хәйләкәр төлке" уенын уйнадык, табигатьтәге көзге үзгәрешләрне күзәттек. Шуннан соң күтәренке кәеф белән, арып-талып җылы бүлмәбезгә кердек. Анда безне пешекче Гөлназ апабыз пешергән төшке тәмле аш көтә иде.

Математика эшчәнлеге безнең өчен кызыклы шөгыльләрнең тагын берсе. Математика ул төгәллекне, игътибарлылыкны ярата. Ә менә махсус дәфтәрләрдәге биремнәрне башкару башны эшләтергә, фикерләү тизлеген үстерергә ярдәм итә.

"Табигатьтә начар һава торышы булмый"-диләр. Яңгырлар явып саф һавада уйнарга мөмкин булмаса да, без көз килүен тәрәзә аша күзәтеп торабыз. Әнә нинди матур төсле яфраклары, яңгырларга бирешмичә горур булып утырган берсеннән берсе матур чәчәкләре, агачларда өлгергән тәмле алмалары, миләшләре белән матур бит ул көз!