Мәктәп-бакчабызда  һәрберебез   яңа    елны  каршыларга   әзерләнәбез.  Ишек   алдында  кар  сыннары  ясау  эше   гөрли, ә  эчтә    фойе,  класслар   бәйрәм  төсмере    ала.    Дәресләр   тәмамлангач,  укучыларыбыз   "Тылсымлы   Яңа   ел!"   тамашасына    әзерләнәләр,   костюмнар   турында  "баш    вата"лар,     аерым  концерт   номерларын   планлаштыралар.   Көтәбез  сине,     яңа  2016 нчы  ел!

10   һәм  11    декабрь   көннәрендә   1-4  классларда   ачык  дәресләр   күрсәтелде.  Дәресләр  барысы  да  математика  фәненнән   һәм   бик  әзерлекле,  югары   дәрәҗәдә   үткәрелде.  Методик  берләшмә  җитәкчесе  Галәүтдинова  И.Р.га  һәм барлык  укытучыларга  рәхмәт  белдерәбез!    

Бу  атнада    мәктәп-балалар  бакчасында    ачык  дәресләр  һәм  ачык   шөгыльләр   үткәрү  планлаштырылган  иде.  Бүген  тәрбияче  Нигъмәтҗанова  Л.Г.   һәм   Әсхәдуллина  М.Р.   методик  берләшмә  җитәкчесе   һәм  педагоглар  алдында   математика  буенча    ачык  шөгыльләр   күрсәттеләр.   Соңыннан   шөгыльләргә   анализ  ясалды,   уңай  һәм  кимчелекле  яклар   турында  сөйләшенде. 

Кичә   балалар  бакчасының   мәктәпкә  әзерлек  төркеме  тәрбияләнүчесе   Фазуллина   Инзилә  "Голосок"  район  конкурсында   катнашты.  Искиткеч  моңлы  тавышы,   матур җыры  өчен   Инзилә   "Оригинальное   исполнение"   номинациясендә  җиңүче   булды.   Нәни   җырчыбызны   тәбрик  итәбез!   

Мәктәбебездә   юбиляр  язучы  Р.Киплингка  багышланган   "В  гостях   у  писателя"  исемле  иҗади  эшләр  конкурсы   үткәрелде.    "С  юбилеем,   дорогая  сказка!"   номинациясе  буенча   1  класс  укучысы  Котдусов  Русланның   коллажы   һәм   "Секреты  сказки"   номинациясе  буенча   Бульмакова  Наиләнең    кроссворды   район  этабына  җибәрелде.  

Мәктәп-бакчабызның  1-4  класс  укучылары,  укытучылар  коллективы   Украинаның   Донецк  һәм   Луганск   өлкәләренең  көньяк-көнчыгыш  районнарында   яшәүче  балаларга   яңа  ел   бүләге  җыю   акциясендә  катнаштылар. Укучыларыбызга   әлеге  хәйрия  эшендә   катнашуда     ярдәм  иткән  өчен  әти-әниләргә   зур  рәхмәт  белдерәбез!

4  класс   укучысы   Хәкимова   Алия  Ринат  кызы   25  ноябрь  көнне  математика  буенча   бөтенроссия   олимпиадасының  район  этабында  катнашкан  иде.   Бүген  шушы   олимпиада   нәтиҗәләре  буенча   Алиянең   5  урынга  лаек  булуы  билгеле  булды.   Тырыш,    актив  укучыбызны   җиңүе  белән   котлыйбыз!

Бүген   3  декабрь    көнне   Арча  районы   профсоюз  рәисләренең   "Мәктәп  һәм  профсоюз  оешмасының  бердәм  эшчәнелеге"    темасына   семинары  булып  үтте.   Ул  Апаз   урта  гомуми   белем   мәктәбе   базасында  оештырылды.    Мәктәп-балалар  бакчасы  да  шушы  мәктәпнең  профсоюз  оешмасына  караганлыктан,   семинар   кунакларын  без  дә  кабул  иттек.   Алар   мәктәп-бакча   белән  таныштылар,   директор  вазифасын  башкаручы  Галәветдинова   Р.Ә.ның   гомуми  эшчәнлек   буенча   чыгышын  тыңладылар.  

Мәктәп-бакчабыз  укытучысы  Лотфуллина  Гөлия   Харасовна   һәм  4  класс  укучысы  Галәветдинова  Гөлфия   Марий Эл Республикасы  Мари-Турек   районының   Сардаял   төп  гомуми  белем   мәктәбендә   узган  регионара   фәнни-практик    семинарда   катнаштылар. Гөлия  Харасовна  семинарның  пленар  өлешендә    "Особенности    организации  воспитательного    процесса   младших  школьников   в  условиях  сельской  школы"   темасына   чыгыш  ясады.   Ә   укучыбыз    Гөлфия  Галәветдинова    ачык  чара    вакытында   татар   халык  биюен  башкарды.            

Бүген  мәктәп-бакчабызның  1  класс   укучылары   Низамова  Алинә  һәм  Мостафин  Раяз    Татарстанның     халык   артисты   Римма  Ибраһимова  исемендәге  "Талантларны  барлар  чак"   районара  ачык   конкурс-фестивалендә   катнаштылар.   Алинә  -  "Композиторлар  әсәрләре",  Раяз   "Татар  халык  җырлары" номинациясендә   үз    сәләтләрен  сынап  карадылар.   Нәни   талантларыбызга   зур  рәхмәт  белдәрәбез   һәм    шушы  тәүге    адымнарының  дәвамлы   булуын   телибез!