Балалар бакчасына йөрүчеләр  бик тырышып юл йөрү кагыйдәләрен өйрәнәләр. Һәрбер кеше кече яшьтән юл йөрү кагыйдәләрен аңлап, төшенеп калырга тиешлеген яхшы аңлыйлар алар.

Балалар бакчасында мәктәпкә әзерлек төркеменә йөрүчеләр рус теле шөгылендә "Транспорт" темасын үтәләр. Алар, дәүләт теле булып торган рус телендә, камил дәрәҗәдә сөйләшергә өйрәнәләр.

Мәктәптә Габдулла Тукайның 130 еллыгына карата бик күп чаралар үтә. Бүген дә Гөлназ Муллануровна җитәкчелегендә укучылар әзерләгән "Кәҗә белән сарык" әияте сәхнәләштерелеп балалар бакчасына йөрүчеләр игътибарына тәкъдим ителде.  Әкиятне караганнан соң, Илүзә Рифовна балалар белән  әңгәмә үткәрде.  Балаларның  җавабыннан күренгәнчә, әкиятнең тәрбияви максаты тормышка ашырылды.

 28 нче февраль көнне үткәрелгән "Уңган безнең әниләр, бирешмәгез, әтиләр!"  дип исемләнгән гаилә бәйрәмендә катнашкан әти-әниләргә, укытучыларга, укучыларга һәм килгән кунакларга рәхмәтебезне җиткерәбез. 

 4 нче класс укучысы Закирҗанова Гөлинә китапханәләр буенча игълан ителгән "Габдулла Тукай әкиятләре - илһам чишмәсе" дип исемләнгән кул эшләре конкурсында катнашырга әзерләнә. Кул эшләре башта районкүләм, соңрак республика күләмендә каралачак. Укучыбызга уңышлар телибез.

Хөрмәтле авылдашлар! Сезне 28 нче февраль көнне кичке 19.00 сәгатьтә булачак  "Уңган безнең әниләр, бирешмәгез, әтиләр!" дип исемләнгән кичәгә чакырабыз. Программада төрле ярышлар концерт номерлары белән үрелеп барачак.  Барыгыз да рәхим итегез! 

Бүген балалар бакчасында  кечкенәләр төркеменә йөрүчеләр  агач ясарга өйрәнделәр.  Бу, беренчедән, табигатьне, әйләнә-тирәне күзалларга, тоемларга өйрәтү булса, икенчедән нәни куллар пумала тотып эшләү күнекмәләрен булдыралар.

Кайвакытта яратам мин

Агачларга карарга.

Бакчада да өйрәтәләр

Матур агач ясарга.

Пумаламны ныклап тотып

Агач кәүсәсен сызам.

Мәрвәридә апа миңа

"Матур", - диеп күз кыса.

 Укучылар арасында "Әтием - горурлыгым" дигән темага 1нче класслар өчен рәсем конкурсы, 2 нче, 3 нче класслар өчен инша язу, ә 4 нче класслар өчен шигырь язу буенча  конкурс игълан ителгән иде. Ниһаять, укучыларның иҗат эшләренең нәтиҗәләре билгеле булды. Шигырь язу буенча 1 нче урынга Хәкимова Алия, 2 нче урынга Гәләветдинова Гөлфия, Закирҗанова  Гөлинә, 3 нче урынга  Фазылҗанова Хания, Хәбибуллина Гөлия, Шәйхиев Ифрат лаек булды. Инша язу буенча  1 нче урын Хәбибуллина Лилиягә, 2 нче урын Касыймова Камиләгә, 3 нче урын Гәләмиев Инсафка  тапшырылды. Ә инде рәсем ясау буенча 1 нче урын Хәбибуллина Азалиягә, 2 нче урын Котдусов Русланга, ә 3 нче урын Низамова Алинәгә бирелде. Укучыларыбызны уңышлары белән котлыйбыз, киләчәктә дә уңышлар телибез!

21 нче февраль - халыкара Туган тел көне буларак тарихка кереп кала. Шул уңайдан, бүген мәктәбебездә "Җыр булырлык сүзләр биргән, Туган телем, рәхмәт сиңа!" дигән темага тәрбия сәгатьләре узды. 

 Бүген мәктәптә  "Ягез әле, егетләр"  ярышы булып узды.  Мәктәбебездә укучы егетләр төрле яклап көч сынаштылар.  Спорт - сәламәтлекнең нигезе икәнен һәркем белә. Егетләр дә ярышларда спорт белән дус икәнлекләрен, батыр, тырыш булуларын расладылар.  Карап  торучы классташ кызларының җан атып утырулары да аларга көч өстәде шикелле. Егетләрне тагын бер кат Ватанны саклаучылар көне белән котлыйбыз! Аларга сәламәтлек, укуларында уңышлар телибез!