Мәктәбебездә өлкәннәр көненә зур әзерлек бара. Укучыларыбыз әби -бабайларына открыткалар, истәлекле бүләкләр әзерлиләр. 

Нәниләргә иң кызыгы-

Әкиятләр тыңлавы.

Бигрәк күңелле була -

Чын курчаклар уйнавы.

Бакчадагы иң нәни сабыйлар тәрбияче апалары әкиятләрне курчаклар уйнап, күрсәтеп сөйләгәннәрен бигрәк тә кызыксынып тыңлыйлар.

Балалар бакчасында тәрбияләнүче балалар тәрбияче апалары белән көзке табигатькә экскурсиягә чыктылар. Бакчадагы җиләк-җимеш агачларындагы үзгәрешләрне, аларның кышка әзерләнүләрен күзәттеләр. 

Тәрбияче апалар, һөнәри бәйрәмегез белән сезне!!!

Һәр сабыйны үз балагыз кебек,

Якын итеп кабул итәсез.

Күпме нәниләргә сез, апалар,

Тәрбия һәм белем бирәсез.

Эшегездә зур уңышлар Сезгә,

Сабырлыкның инде иң ныгын.

Әниләрдәй булган апаларны

Сагынып искә алсын һәр буын!

Кишер-чөгендер уңышын

Җыярга чыктык дәррәү.

Кишер-чөгендерләребез

Булганнар бит бигрәк дәү.

Ел буена җитәрлек

Яшелчә үстердек  без.

Безнең тырыш хезмәтне

Һәммәгез дә күрегез.

Бүген мәктәп-бакчабызда  өмә булды. Чөгендер һәм кишер  бик мул уңыш бирде.

15 сентябрьдән  17 нче октябрьгә кадәр интернетта  "Гаиләнең бәхетле мизгелләре" дигән фотоконкурс бара. Әти-әниләр, сезгә  дә балалар бакчасына йөрүче сабыйларыгыз белән бергәләп төшкән фотоларыгызны барлап, шушы конкурста катнашу мөмкинлеге  бар. Нигезләмәсен тәрбиячеләрдән алырга.

Бүген укучылар белән берлектә бакчадан чәчәк орлыклары җыеп алынды. Киләсе ел өчен алдан әзерләнеп куябыз.

Балалар бакчасында өстәл уеннары даими үткәрелеп тора. Балалар бик кызыксынып домино уйныйлар. Бу уеннар аша нәниләрнең танып-белү, фикерләү сәләтләрен дә үстерәләр.

4 нче сыйныф укучылары буш вакытларында беренче сыйныф укучылары белән өстәмә шөгыльлләнәләр.  Аларга төрле әкиятләр укыйлар, бергәләшеп төрле уеннар уйныйлар.

Балалар бакчасында шашка уены белән балалар бик кызыксыналар. Өлкәнрәк балаларның уйнаганнарын күзәтеп, нәниләр дә шашка уенының серләренә тиз төшенәләр.