Саф һавада кышкы уеннар дәвам итә. Бүген,  дәресләрдән сон, укучылар, күнелле һәм сәламәтлек өчен файдалы итеп, ял иттеләр. Укытучы Галәветдинова И.Р. таудан чаналарда шуу оештырды.

Өченче чирекнең беренче атнасында мәктәбебездә "Китапларга икенче тормыш бүләк ит!" акциясе булып узды. Укучылар мәктәп китапханәсендәге иске таушалган китапларны тәртипкә китерделәр. "Дәваланган" китаплар яңадан кулланылышка керде.

5 нче январь конне Пешәнгер мәдәният йортында "Кыш бабайда кунакта" дип исемләнгән чара булып узды. Бәйрәмдә мәктәп укучылары һәм балалар бакчасында тәрбияләнүчеләр катнашты. Төрле кызыклы уеннар матур җыр-биюләр, шигырьләр белән аралашып барды. Әлеге күңелле чараны оештырганнары өчен мәдәният йорты хезмәткәрләре Аскарова Р.М.га, Касимова Ә.Т.га һәм китапханәче Сабирзянова Р.Н.га олы рәхмәтебезне белдерәбез. 

28 нче декабрь көнне Хәсәншәех мәктәбендә район мәгариф системасы хезмәткәрләре арасында шашка һәм шахмат буенча зона ярышлары булып узды. Әлеге ярышларда безнең мәктәп-балалар бакчасы тәрбиячесе Мәгъсүмова Г.Х. шахмат буенча 2 нче урынны яулады. Хезмәттәшебезне котлыйбыз!

Бүген Пешәнгер мәдәният йортында балалар бакчасында тәрбияләнүчеләрнең Яңа ел чыршысы булып узды.  Нәниләр төрле экият геройлары белән очраштылар, Кыш бабай белән Кар кызын зарыгып көтеп алдылар, алар белән төрле уеннар уйнадылар, үзләренең җыр-биюгә осталыкларын күрсәттеләр. Яңа ел тамашасын карарга әти-әниләр, мәктәп укучылары һәм авыл халкы да  килгән иде. Бәйрәм бик күңелле узды. 

26 нчы декабрь көнне Арча мәдәният йортында район башлыгының Яңа ел чыршысы бәйрәме булып узды. Бу чарага  безнең мәктәптән төрле фән олимпиадалары призёры Хәертдинов А..Х, республика һәм районкүләм шашка ярышларында җиңүче булган Кутдусов Р.Р. да чакырулы иде. 

Бүген башлангыч мәктәп укучылары Пешәнгер авылының мәдәният йортында "Яңа ел маҗаралары" исемле әкият-тамаша куйдылар. 

"Олимпиада хәрәкәте" тарихында 2018 нче ел мәктәбебез өчен уңышлы ел булды. 4 нче сыйныф укучысы Хәертдинов А.Х., бөтенроссия һәм республикакүләм олимпиадаларның муниципаль этабында катнашып, дүрт фәннән (математика, рус теле, ОБЖ, татар теле) призёр булды. Укучыбыз Хәертдинов А.Х. ны һәм аның укытучысы Кутдусова Г.М.ны зур уңышлары белән котлыйбыз! 

19 нчы декабрь көнне Арчаның "Укучылар сарае"нда "Иң яхшы шашкачы - 2018" ярышлары булып узды. Бу ярышларда безнең мәктәптән 4 нче сыйныф  укучылары катнашты. Кутдусов Р.Р. (малайлар арасында) -  2 нче урынга, Низамова А.И. (кызлар арасында) шулай ук 2 урынга лаек булдылар. Укучыларны уңышлары белән котлыйбыз!