Январь аенда башлангыч сыйныф укучылары барлык фәннәрдән дә дәреслекләрнең 2 нче өлешләре белән тәэмин ителделәр. Дәреслекләр мәктәп милке булып санала. 31 январь  көнне  шушы дәреслекләрнең  торышы   тикшерелде. Рейд нәтиҗәләреннән күренгәнчә, укучыларыбыз  дәреслекләрен, дәфтәрләрен  тышлап, чиста-пөхтә йөртәләр, расписание буенча барлык дәреслекләре дә бар. Китапларны саклап тотыйк, чөнки  алар  белем  чыганагы.

Бүген,  "Башлангыч сыйныфлар атналыгы" кысаларында, укытучы Кутдусова Г.М.  2 нче һәм 4 нче классларда әйләнә-тирә дөнья фәне буенча ачык дәрес күрсәтте. 4 нче сыйныф укучылары иң зур сизү органы - тиренең төзелешен өйрәнделәр, төрле тәҗрибәләр аша тиренең кеше өчен әһәмиятле орган булуын ачыкладылар. 2 нче сыйныфларда  "Сәламәт яшим дисәң" темасы буенча дәрес үткәрелде. Укучылар көндәлек режим, дөрес туклану, шәхси гигиенага кагылышлы сорауларга җавап бирделәр. 

Күтәренке күңел белән

Уйныйбыз саф һавада.

Бездәгедәй матур кышлар

Юктыр ул беркайда да.

Балалар бакчасында тәрбияләнүче нәниләр саф һавага чыгу вакытларын көтеп алалар. Тәрбияче Магсумова Г.Х., һава шартлары рөхсәт иткәндә, көндәлек режимның әлеге өлешен кызыклы һәм сәламәтлек өчен файдалы итеп оештыра.

Бүген, Ленинград блокадасы өзелүгә багышланган, мәктәпкүләм политинформация сәгате булып узды.  Педагог-организатор Лотфуллина Г.Х. укучыларны Ленинград өчен барган сугыш турындагы тарихи мәгълүматлар белән таныштыруын дәвам итте. Укучыларның 27 нче январь көнне туры эфирдан  Ленинград блокадасы өзелүенең 75 еллыгына багышланган парадны, әлеге тарихи вакыйгага багышланган документаль фильмны караганнары ачыкланды. Алар буенча фикер алыштылар. 

25 января 2019 года с 12:30 по14:00 состоится Республиканский родительский интернет-семинар "Здоровье и безопасность ребёнка".  Онлайн-трансляция на сайте киу-рф. Задайте свой вопрос по адресу roditelirt@mail.ru

 24 нче январь көнне мәктәптә Ленинград блокадасы өзелүенә 75 ел тулуга багышланган чара үтте. Максаты - үсеп килүче буынга патриотик тәрбия бирү, илебез азатлыгы өчен корал тотып яуга кергән ватандашларыбызның исемнәрен мәңгеләштерү, яшь буында ватанпәрвәрлек хисе тәрбияләү. Чарада катнашкан укучылар тарих битләренә күз салып, дәһшәтле сугыш еллары, 900 көн дәвам иткән Ленинград блокадасы мәхшәрен сурәтләгән документаль фильм карадылар. Ахырдан исә фильм эчтәлеге буенча әңгәмәдә катнаштылар.

Балалар бакчасында үз-үзеңә хезмәт күрсәтү күнекмәләрен үстерүгә зур игътибар бирелә. Өлкәннәр һәм мәктәпкә әзерлек төркемнәрендә тәрбияләнүчеләр тәрбияче апаларга үзләренең уенчыкларын юарга булыштылар. 

Сәламәтлекнең нигезен

Хәрәкәт тәшкил итә.

Шуңа күрә безнең көннәр

Гел хәрәкәттә үтә.

Балалар бакчасында тәрбияләнүчеләр, тышта буран бөтен җирне карга тутырган, дип, уфтанып тормадылар, мәктәпнең  иркен спорт залына кереп, рәхәтләнеп уйнадылар.

Бүген мәктәбебездә ата-аналар өчен ачык ишекләр көне оештырылды. һәр класста ата-аналар алдында ачык дәрес күрсәтелде. Соңыннан икенче чирек нәтиҗәләре буенча җыелыш булды.

 Башлангыч мәктәптә өченче чирекнең физкультура дәресләре тулаем чаңгыда йөрүгә багышлана. Чаңгыда йөрергә өйрәнү балалар бакчасында ук башлана.  Бүген 4 нче сыйныф укучылары балалар бакчасында тәрбияләнүче нәни дуслары өчен чаңгы юлы салдылар.