Хәрби-патриотик айлык  һәм Туган телгә багышланган ункөнлек кысаларында башлангыч сыйныф укучылары арасында Муса Җәлил истәлегенә шигырьләр бәйгесе үткәрелде. Укучылар әлеге бәйгегә бик җаваплы карадылар, катнашмаган бер бала да калмады. Нәтиҗәләр буенча 4 класс укучысы Низамова А.И. - 1 урынга, 3 класс укучысы Гайнетдинов И.Р. - 2 урынга, ә 4 класс  укучысы  Кутдусов Р.Р. 3 нче урынга лаек дип табылды. Җиңүчеләрне котлыйбыз, аларга иҗади уңышлар телибез!

Бүген балалар бакчасында кунакта - әтиләр! Алар Ватанны саклаучылар көненә багышланган бәйрәм иртәсенә килделәр. Балаларның чыгышлары һәм бүләкләре әтиләрнең күңеленә хуш килде. Ә инде балаларга әтиләрнең алар белән бергәләп төрле уеннарда катнашулары ошады. Нинди рәхәт бит ул ӘТИ белән бергә уйнавы!

"Мин булачак солдат!" - хәрби стройда йөреп җырлау бәйгесе.

21 февраль- Бөтендөнья туган тел көне. Туган тел төшенчәсенә зур мәгънә салынган. Ул- Ватан, туган җир, ата-ана сүзләре белән бер үк дәрәҗәдә торучы бөек, изге һәм кадерле сүз. 

Бүген Пешәнгер башлангыч мәктәп-балалар бакчасында татар теле белән горурлану хисләрен укучылар төрле гаммәлләр аша күрсәтергә тырыштылар: түбәтәй-калфаклар киделәр, тәнәфесләрдә татар халкының милли уеннарын уйнадылар, дәресләрдән соң "Туган телен яратмаган кеше башкаларның телен яратмый", дип исемләнгән чарада актив катнаштылар.

Балалар бакчасындагы нәниләр дә Туган тел көнен билгеләп үттеләр. Аларга, милли киемнәр киеп,  татар халкының милли уеннарын бергәләп уйнау аеруча ошады.

Хәрби-патриотик айлык кысаларында башлангыч сыйныфларда "Балалар күзлегеннән - Җиңү" рәсем конкурсы игълан ителгән иде. Укучыларның барысы да бу конкурста актив катнаштылар. Бүген конкурска нәтиҗәләр ясалды. 4 класс укучысы Кутдусов Р.Р. - 1 урын, 3 нче класс укучысы Гайнетдинов И.Р. - 2 урын, 1 нче класс укучысы Усманов Ислам - 3 урын.

Бүген, 20 нче февраль көнне, Арча шәһәрендә "Мәгариф идарәсе" оештырган "Туган телеңне өйрән һәм ярат" шигырь бәйгесендә безнең мәктәпнең башлангыч сыйныфлар укытучысы Кутдусова Г.М.  3 урын алды һәм диплом белән бүләкләнде. Хезмәттәшебезне котлыйбыз һәм иҗади уңышлар телибез!

 Кечкенәләр төркемендә рәсем эшчәнлеге.

Бездә бар буяулар:

Ак, кызыл, ал, зәңгәр,

Сарылар, яшелләр…

Ясыйбыз дәфтәргә

Бик матур рәсемнәр.

     15 нче февраль – совет гаскәрләре Әфган җиреннән чыгарылуга 30  ел тулган көн. Пешәнгер башлангыч мәктәп-балалар бакчасы укучылары һәм укытучылары авылдашыбыз Васыйл Әһлиуллинның каберенә чәчәкләр салдылар. 

15 нче февраль көнне Пешәнгер башлангыч мәктәп-балалар бакчасында очрашу кичәсе үтте.  Очрашуыбыз  ерак Әфганстан җирендә гомере өзелеп һәлак  булган  солдатлар һәм ул дәһшәтле  көннәрнең  шаһиты  булып  яшәүче  исәннәргә  багышланды.    Авылдашыбыз әфганчы Васыйл  Әһлиуллинның тормыш юлы, батырлыгы турында сөйләштек. Әфган җирендә башын салганнарны бер минутлык тынлык белән искә алдык.

Кичәдә сугыш кичергән, ул мәхшәрне үз күзләре белән күргән әфганчылар   Сабиров  Равил  һәм  Каюмов  Газинур  абыйлар катнашты. Алар үзләре турында сөйләделәр, укучыларыбызны  кызыксындырган сорауларга җавап бирделәр. Әңгәмәбез чакырылган кунаклар хөрмәтенә багышланган музыкаль номерлар белән үрелеп барды.