Бүген мәктәптә математика фәне буенча олимпиада үтте. Фән белән кызыксынучы укучылар белемнәрен сынап карадылар. 

Балаларның куркынычсызлыгы атналыгы кысаларында 5 нче класста тәрбия сәгате үтте. Укучылар юл йөрү кагыйдәләрен искә төшерделәр, үзләре дә рәсемнәр ясадылар.

Бүген мәктәптә гриппка каршы вакцинация ясатылды.

Бүген мәктәбебез Казан ярминкәсендә катнашып кайтты.

19 сентябрь көнне мәктәптә төп фәннәр  методик берләшмәсе  утырышу булып узды. Утырышта фәннәр буенча  туган сораулар уртага салынып сөйләнде. 

Ата-аналар җыелышы булып үтте. Көнүзәк мәсьәләләр каралды.

  14 нче  сентябрь көнне мәктәбебездә башлангыч сыйныф укучыларына Мәдәни көндәлек тапшыру тантанасы булды.

Буген безнең мәктәптә эвакуация үткәрелеп каралды. Мәктәптәге барлык укучылар, укытучылар һәм техник хезмәткәрләр тиз арада чыга алдылар һәм вакыт регламентына сыештылар.

Бүген мәктәбебездә укучылар йөгерү кроссында катнаштылар.

Бөтен җирне сарылыкка күмеп, табигатькә алтын көз килде. Көннәр салкыная һәм кыскара башладылар. Әле күптән түгел генә ямь-яшел булып утырган агачлар сары яфракларын моңсу гына җиргә коялар. Тик шулай да яратам мин көз айларын. Ник дисезме? Чөнки көз җитү белән, бакчада язын утырткан, җәен су сибеп үстергән яшелчәләр өлгерә. Кояшлы матур көннәрдә ,яңгырга тидермичә җыеп алырга да кирәк бит әле аларны. Белгәнебезчә, бакчада көзен эш бик күп. Иң беренче бәрәңге, суган, сарымсак уңышлары җыелып алына һәм кышка сакларга урнаштырыла. Кишер, чөгендер, кәбестә үз вакытларын көтеп, сабыр гына көзге кояшка кызыналар. Тиздән аларны җыеп алыр вакыт җитә инде. Яшелчәләрдән бушаган урыннарны, чүп үләннәреннән арындырып, китмәнләп, язга әзерләп куярга кирәк. Ә бүген без үзебезнең мәктәп бакчасына сарымсак утырттык. Уен - көлке белән рәхәтләнеп эшләдек. Бакчабыз шау - гөр килеп торды.