24 февраль  көнне Арчада Ф.Гарафиев истәлегенә чаңгы ярышлары булып үтте. Бу ярышта безнең мәктәптән дә укучылар катнаштылар. Ярышлар бик кызыклы үтте. 

21 февраль көнне Носы мәктәбендә “Аҗаган” уены үткәрелде. Уенда 1-9 класс укучылары һәм укытучылар катнашты. Беренче өлештә төп карта яшерелгән пакет эзләделәр. 7 класс укучылары иң беренчеләрдән булып пакетны таптылар. 9 класс укучылары байрак эзләүдә үзләренең максатчан икәнлекләрен күрсәттеләр. Уен бик кызыклы үтте. 

23 нче февраль – Ватанны саклаучылар көне уңаеннан Сәрдәбаш башлангыч мәктәбе укучылары әтиләрен үз куллары белән ясалган бүләк белән сөендерделәр.

Бер бәйрәм бар февральдә

Кадерле ул һәркемгә                                   

Аны иң зур бәйрәм дип

Мөмкин хәтта әйтергә

Ул-тынычлык бәйрәме

Аны һәр кеше белә-                                    

Ватанны саклаучылар

Бәйрәме дип йөртелә.

  Бәйрәм уңаеннан 6 нчы класс укучылары “Әтием-горурлыгым” дип исемләнгән концерт куйдылар. Укучыларның дәртле биюләре тамашачылар күңеленә хуш килде. Матур җырлар нәфис сүз белән үрелеп барылды. 

      Әти-әни өчен баласының үз кулы белән ясаган әйбере бик кадерле.  4 нче класс укучылары әтиләрен Ватанны саклаучылар көне белән котлап  открытка  ясадылар.

Туган тел айлыгы кысаларында 21 нче февраль көнне мәктәптә7-9 класс укучылары арасында “Башваткыч” интеллектуаль уены үткәрелде. Бу кичә укучыларның фикерләү сәләтләрен үстерүне, татар теле һәм әдәбияты буенча белемнәрен тикшерүне, бәйләнешле сөйләм телен үстерүне, туган телгә карата мәхәббәт хисе тәрбияләүне максат итеп ала. Укучылар жюрины да, тамашачыларны да үзләренең зирәклекләре, белемнәре белән шаккаттырдылар. “Башваткыч” уеынының җиңүче исеменә 8 нче класс укучысы Егорова Н. лаек булды.

Дәүләт символлары илебез тарихының үзенчәлекле якларын, башка илләрдән аермасын чагылдыра. Дәүләт символларына карата гражданнарның ихтирамы - дәүләт сәясәтенә, үз халкына ихтирамының, Ватанына мәхәббәтнең һәм горурлыкның чагылышы. Мәктәбебездә укучылар арасында Россия Федерациясе гимнын хор белән башкаруга конкурс үткәрелде. Һәр класс бу конкурска бик теләп һәм ныклап әзерләнгән иде. Укучылар гимнны бик яхшы белүләрен күрсәттеләр. Конкурска нәтиҗә чыгару да җиңел эшләрдән булмады, чөнки һәр классның чыгышы аерым игътибарга лаек булды. Мәктәбебез укучыларына аерым номинацияләрдә урыннар билгеләнде. 

15 нче февраль көнне мәктәбебездә әфганчылар көненә багышланган "Кичер, әнкәй, кайта алмавымны...” дип аталган әдәби кичә үткәрдек. Әлеге кичә  хәрби хезмәт кешеләрен олылау, армиядә һәлак булган егетләребезне искә алу максатыннан уздырылды. Кичә барышында Әфганстан сугышы турында видеосюжет  күрсәтелде, җырлар тыңланды.

 Сәрдәбаш башлангыч мәктәбе укучылары Муса Җәлилне искә алу кичәсе үткәрделәр. Совет халкының батырлыгына сокландылар. “Батырлык –куркаклык”, “тугрылык – хыянәт итү” темасына  әңгәмәдә теләп катнаштылар.  Муса Җәлил шигырьләренә язылган җырлар җырладылар.  Киләчәктә дә шагыйрьнең батырлыкка өндәүче  шигырьләрен укырга теләк белдерделәр.

Волонтер, доброволец, тимуровец, схожи ли эти понятия есть ли в них разница? На эти вопросы сегодня смогли ответить ученики 6 и 8 класса на классном часу "Волонтеры во время и войны и сейчас". Ребята просмотрели видеоролик о Волонтерах, узнали об основных направлениях в волонтерском движении. Детей активно принимали участие в дискуссии и узнали много нового и интересного.